خیبرپختونخوا میں 15 سیاسی شخصیات کو شدت پسندوں کی جانب سےدھمکیاں موصول ہوئی ہیں۔
سی ٹی ڈی خیبرپختونخوا نے صوبے کی ان تمام سیاسی شخصیات کی ایک فہرست تیار کی ہے جنہں شدت پسندوں کی جانب سے جان کی دھمکیاں مل رہی ہیں۔
فہرست کے مطابق ایسی سیاسی شخصیات میں سابق رکن قومی اسمبلی محسن داوڑ، سابق صوبائی وزیر امتیاز قریشی، سینیٹرہدایت اللہ، ن لیگ کےسابق رکن قومی اسمبلی امیرمقام، پی ٹی آئی کے رہنما پیرمصور شاہ اور شاہ محمد، جے یو آئی ف کے ملک عدنان وزیر اور احسان اللہ، سینیٹر بختی افسر، سینیٹر مولانا عبدالرشید بھی شامل ہیں۔
مزید پڑھیں
سی ٹی ڈی کا کہنا ہے کہ سیاسی شخصیات کو ملنے والی دھمکیوں سےمتعلق تمام اضلاع کی پولیس کو اگاہ کردیا گیا ہے۔
متعلقہ اضلاع کی پولیس مذکورہ سیاسی شخصیات کو سیکیورٹی فراہم کرے گی۔
