حکومت نے عوام پر ایک مرتبہ پھر بجلی گرا دی۔ عام انتخابات سے چند روز قبل بجلی کی فی یونٹ قیمت میں 4 روپے 56 پیسے اضافہ کردیا۔
نیشنل الیکٹرک اینڈ پاور ریگولیٹری اتھارٹی (نیپرا) نے بجلی مہنگی ہونےکا نوٹیفکیشن جاری کر دیا ہے۔ سی پی پی اے نے نیپرا سے بجلی کے فی یونٹ کی قیمت میں 5 روپے 62 پیسے اضافے کی درخواست کی تھی۔
Related Posts
نیپرا کے مطابق بجلی کی قیمت میں اضافہ دسمبر کی ماہانہ فیول ایڈجسٹمنٹ کی مد میں کیا گیا ہے اور نئی قیمت کا اطلاق صرف ایک ماہ کے لیے ہو گا۔
بجلی کی قیمت میں حالیہ اضافے سے صارفین پر 39 ارب 80 کروڑ روپے کا اضافی بوجھ پڑے گا جبکہ بجلی صارفین کو فروری کے بلوں میں اضافی ادائیگیاں کرنا ہوں گی۔ بجلی کی قیمتوں میں اضافے کا اطلاق الیکٹرک وہیکل چارجنگ اسٹیشنز پر نہیں ہوگا۔
واضح رہے کہ نومبر کی ماہانہ فیول پرائس ایڈجسٹمنٹ میں بجلی 4 روپے 13 پیسے فی یونٹ مہنگی کی گئی تھی۔
