تحریک انصاف کی اس وقت قومی اسمبلی میں سرکاری نتائج کے مطابق 99 نشستیں ہیں تاہم پی ٹی آئی کا دعویٰ ہے کہ فارم 45 کے مطابق قومی اسمبلی کے 180 نشستوں پر ان کے امیدوار انتخابات جیتنے میں کامیاب ہوچکے ہیں۔
پاکستان تحریک انصاف اس وقت سابق وزیراعظم عمران خان کی جانب سے آئندہ سیاسی حکمت عملی سے متعلق ہدایات کا انتظار کر رہی ہے۔ اس سلسلے میں سابق وزیراعظم عمران خان سے ملاقات کے لیے بیرسٹر سلمان صفدر، سینیٹر علی ظفر و دیگر وکلا اڈیالہ جیل میں 190 ملین پاؤنڈ نیب ریفرنس کی سماعت کے لیے جائیں گے جہاں عمران خان سے انتخابات کے بعد ان کی پہلی ملاقات متوقع ہے۔
ذرائع کا کہنا ہے کہ قوی امکان ہے کہ پی ٹی آئی کے آزاد امیدوار مولانا شیرانی کی جمعیت علمائے پاکستان میں شمولیت کا اعلان کریں تاہم علامہ راجا ناصر عباس کی مجلس وحت مسلمین میں بھی شمولیت زیر غور ہے۔
