سوشل میڈیا پورٹل واٹس ایپ نے صارفین کو ناپسندیدہ پیغامات براہِ راست بلاک کرنے کی سہولت فراہم کردی، اب لاک اسکرین کے ذریعے بھی پیغامات بلاک کیے جاسکیں گے۔ جب کسی نامعلوم نمبر سے آپ کو کوئی پیغام موصول ہوتا ہے تب واٹس ایپ آپ کو پیغام بھیجنے والے نمبر کے نیچے ایک وارننگ نوٹ دیتا ہے۔
مزید پڑھیں
دنیا بھر میں مارکیٹ کے ادارے بڑی تعداد میں تشہیری مواد بھیجتے ہیں۔ دوسری طرف آن لائن فراڈ کرنے والے بھی سرگرم ہیں جو واٹس ایپ کے صارفین کو نشانہ بنانے پر تلے رہتے ہیں۔ واٹس ایپ کی طرف سے صارفین کو دی جانے والی سہولت کا بنیادی مقصد غیر معمولی تیزی سے اور بڑی تعداد میں آنے والے ناپسندیدہ یا ان چاہے پیغامات کو روک کر صارفین کی پریشانی کم کرنا ہے۔
ناپسندیدہ پیغامات کو بلاک کرنے کے نئے فیچر کی مدد سے واٹس ایپ کے صارفین کو اب اپنی ڈیوائس ان لاک نہیں کرنا پڑے گی اور ایپ کے اندر نیویگیشن کی بھی ضرورت پیش نہیں آئے گی۔ پیغام کا نوٹیفکیشن موصول ہونے پر صارفیں محض نوٹیفکیشن کو پریس کرکے مختلف آپشنز تک پہنچ سکیں گے، ان میں پیغامات کو بلاک کرنے کا آپشن بھی شامل ہوگا۔ صارفین کے اختیار میں ہوگا کہ کسی بھی نمبر کو بلاک کرنے کی اطلاع متعلقہ نمبر کو دینی ہے یا نہیں۔
پیغامات بلاک کرنے کا سادہ طریقہ
Settings > Privacy > Blocked contacts > Add >
Add کی جگہ متعلقہ نمبر فیڈ کیا جائے گا۔ اس طرح کسی بھی نمبر کو بلاک کیا جاسکتا ہے اور اسے مطلع کرنے یا نہ کرنے کا آپشن بھی بروئے کار لایا جاسکتا ہے۔
