وٹس ایپ ویب کے صارفین کی حفاظت کو یقینی بنانے کی تیاری مکمل کرلی گئی، انسٹنٹ میسجنگ ایپلی کیشن واٹس ایپ نے بالآخر اپنے ویب ورژن میں چیٹ لاک فیچر متعارف کرانے پر کام شروع کر دیا۔
وٹس ایپ بیٹا انفو کے مطابق وٹس ایپ اپنے ویب صارفین کے لیے نیا فیچر متعارف کرانے جا رہا ہے جس میں ویب پر وٹس ایپ استعمال کرنے والے صارفین کے لیے چیٹ لاک کی آسانی مہیا کی جائے گی تاکہ ان کی وٹس ایپ پرائویسی متاثر نہ ہو۔
مزید پڑھیں
جنوری 2024 میں وٹس ایپ بیٹا انفو کی جانب سے ویب ورژن کے لیے نئے انٹرفیس کے متعلق خبر دی گئی تھی۔ لیکن اس نئے انٹرفیس کے ساتھ وٹس ایپ اپنے ویب صارفین کے لیے کچھ جدید اور جاذبِ نظر تھیمز متعارف کرانے کا ارادہ رکھتا ہے۔
وٹس ایپ بیٹا انفو کی جانب سے شیئر کیے جانے والے اسکرین شاٹ میں دیکھا جا سکتا ہے کہ وٹس ایپ انٹرفیس کی بائیں جانب ایک تالے کا نشان ہے جو وٹس ایپ ویب صارفین کو اپنی چیٹس کو لاک کرنے میں مدد فراہم کرے گا۔
وٹس ایپ کی جانب سے اس فیچر کی آزمائش صارفین کو پرائیوسی اور سیکیورٹی کی ایک اضافی جہت فراہم کرنے کی ایک کوشش ہے۔
واضح رہے کمپنی کی جانب سے فیچر کے متعارف کرائے جانے کے متعلق فی الحال کسی حتمی تاریخ کا اعلان نہیں کیا گیا ہے۔
