وزیراعلیٰ پنجاب مریم نواز شریف نے پریس کانفرنس کرتے ہوئے کہا ہے کہ وہ مستحقین کو رمضان پیکج دینے جا رہے ہیں جس کا نام ’رمضان نگہبان‘ رکھا ہے جس میں تکلیف اٹھائے بغیر غریب کا حق ان کے گھر کی دہلیز تک پہنچائیں گے. جب وہ پریس کانفرنس کر رہی تھیں تو وزیراعلیٰ پنجاب مریم نواز شریف کے دائیں اور بائیں جانب سابق وزیراعظم نواز شریف کی تصویر والے ’رمضان نگہبان‘ کے تھیلے رکھے گئے تھے جس پر صارفین کی جانب سے ان کو تنقید کا نشانہ بنایا جا رہا ہے۔
ایک صارف نے لکھا کہ یہ تو حد ہو گئی کہ والد کی تصویر والے آٹے کے تھیلے پیچھے رکھ کر مریم نواز پریس کانفرنس کر رہی ہیں۔
حد ہو گئی ویسے۔۔۔ باپ کی تصویر والے آٹے پیچھے رکھ کر پریس کانفرنس کی جا رہی ہے! pic.twitter.com/JouyieiXy2
— Waqas Amjad ( محترم ) (@waqas_amjaad) March 6, 2024
ایک ایکس صارف لکھتے ہیں کہ مارکیٹنگ کرنے والے لوگوں کو مریم نواز سے سیکھنا چاہیے۔
وزیراعلیٰ پنجاب مریم نواز کی پریس کانفرنس، نوازشریف کی تصویر والے آٹے کے تھیلے پیچھے رکھے گئے ہیں۔۔
مارکٹنگ والے لوگوں کو مریم نواز سے سیکھنا چاہئے۔۔۔۔۔۔ pic.twitter.com/O5SUX5GEVp— Sher N khan (@Sher_now1) March 6, 2024
ارسلان بلوچ نے طنزاً سوال کیا کہ کیا یہ جعلی ووٹ والے تھیلے ہیں؟
یہ جعلی ووٹ والے تھیلے ہیں؟ pic.twitter.com/2rjXGNbqWT
— Arslan Baloch (@balochi5252) March 6, 2024
ایک صارف نے لکھا کہ پریس کانفرنس کے دوران پیچھے نواز شریف کی تصویر والے آٹے کے تھیلے رکھنا بہت ضروری تھا کیا؟
پریس کانفرنس کے دوران پیچھے نواز شریف کی تصویر والے آٹے کے تھیلے رکھنا بہت ضروری تھا کیا؟؟؟ pic.twitter.com/PTSuIANMDX
— ماروشہ عثمان (@AkhbaarPk) March 6, 2024
واضح رہے کہ وزیراعلیٰ پنجاب مریم نواز کا کہنا ہے کہ رمضان نگہبان پیکج سے پنجاب کے ساڑھے 3 کروڑ لوگ مستفید ہوں گے اور رمضان میں عوام کو قطاروں میں کھڑا نہیں ہونا پڑے گا،غریب عوام کا حق ان کی دہلیز تک پہنچائیں گے۔
