پشاور زلمی نےکراچی کنگز کو دلچسپ مقابلے کے بعد 2 رنز سے شکست دیدی، جس کے بعد پوائنٹس ٹیبل پر پشاور زلمی پہلی پوزیشن حاصل کرنے میں کامیاب ہوگیا ہے۔
ایچ بی ایل پاکستان سپر لیگ (پی ایس ایل) 9 کے 29 ویں میچ میں پشاور زلمی کے 148 رنز کے ہدف کے تعاقب میں کراچی کنگز کی ٹیم مقررہ 20 اوورز میں 5 وکٹوں پر 145 رنز بنا سکی۔
قبل ازیں کراچی میں کھیلے گئے میچ میں پشاور زلمی نےکراچی کنگز کے خلاف ٹاس جیت کر بیٹنگ کا فیصلہ کیا۔
پشاور زلمی نے پہلے بیٹنگ کرتے ہوئے مقررہ 20 اوور میں 6 وکٹوں کے نقصان پر147 رن بنائے۔
کراچی کنگز کی جانب سے عرفات منہاس، زاہد محمود اور حسن علی نے ایک ایک وکٹ حاصل کی۔
خیال رہےکہ پاکستان سپر لیگ سیزن 9 میں پلے آف میں پہنچنے والی 4 ٹیموں کا فیصلہ پہلے ہی ہوچکا ہے۔ نیز یہ کہ ہر ٹیم نے پہلے مرحلے میں 10، 10 میچز کھیلنے ہیں جس کے بعد پلے آف مرحلے کا آغاز ہوگا۔
مزید پڑھیں
پشاور زلمی
بابراعظم (کپتان)، صائم ایوب، محمد حارث (وکٹ کیپر)، ٹام کوہلر کیڈمور، حسیب اللہ خان، روومین پاول، عامر جمال، لیوک ووڈ، نوین الحق، مہران ممتاز اور ایمل خان۔
کراچی کنگز
جیمز ونس، ٹائم سیفرٹ (وکٹ کیپر)، شان مسعود (کپتان)، شعیب ملک، کیرون پولارڈ، عرفان خان نیازی، انور علی، ڈینیئل سمس، عرفات منہاس، حسن علی اور زاہد محمود۔
