بابر اعظم نے دُنیائے کرکٹ میں اپنی دھاک بٹھانے کا سلسلہ جاری رکھتے ہوئے پروفیشنل کرکٹ میں 25 ہزار رنز مکمل کرنے کا عالمی اعزاز بھی حاصل کر لیا ہے۔ وہ یہ اعزاز حاصل کرنے کے لیے محض 32 رنز کی دوری پر تھےجو انہوں نے پی ایس ایل 9 میں کراچی کنگز کے خلاف مکمل کیا۔
Babar Azam has completed 25000 runs in professional cricket (First Class, One-Days & T20s, all included). #PSL2024 pic.twitter.com/nZjHXf9xUL
— Ahmad Haseeb (@iamAhmadhaseeb) March 11, 2024
پاکستان کرکٹ ٹیم کے سابق کپتان اور منفرد اعزاز حاصل کرنے والے بیٹر بابر اعظم گزشتہ سال عالمی آئی سی سی کی عالمی رینکنگ میں بھی پہلے نمبر پر براجمان رہے۔
بابر اعظم کو اپنے کیریئر میں 25 ہزار رنز کو عبور کرنے کے لیے 32 رنز درکار تھے جو انہوں نے پاکستان سپر لیگ ( پی ایس ایل) میں کراچی کنگز کے خلاف بیٹنگ کے دوران مکمل کیے۔ بابر اعظم نے کراچی کنگز کے خلاف ایک بار پھر شاندار اننگز کھیلتے ہوئے 51 رنز اسکور کیے۔
واضح رہے کہ بابراعظم نے فرسٹ کلاس کرکٹ میں 5 ہزار 950 ، کیٹیگری اے میں 8 ہزار 645 رنز بنائے جب کہ ٹی- 20 فارمیٹ میں 10 ہزار 405 رنز مکمل کر رکھے ہیں۔
مزید پڑھیں
بابر اعظم ٹی۔20 فارمیٹ میں تیز ترین 10 ہزار رنز بنانے والے بلے باز بھی ہیں، وہ مجموعی طور پر 10 ہزار ٹی۔20 رنز بنانے والے 13 ویں بلے باز ہیں۔
بابر اعظم نے 271 ٹی۔20 اننگز کھیل کر یہ اعزاز حاصل کیا تھا جب کہ ان کے مد مقابل ویسٹ انڈیز کے کرس گیل نے 285 اننگز کھیل کر 10 ہزار رنز مکمل کیے تھے۔بابراعظم پاکستان سپر لیگ (پی ایس ایل ) میں بھی 3 ہزار رنز مکمل کرنے والے واحد بیٹر ہیں۔
