پاکستان ریلوے نے اپنی تاریخ کی طویل ترین مال بردار ٹرین سروس کا آغاز کردیا ہے، اس سلسلہ میں 50 بوگیوں پر مشتمل پہلی فریٹ ٹرین کراچی سے کوٹری پہنچ گئی ہے۔
ترجمان پاکستان ریلوے کے مطاب 2 ہزار 5 سو فٹ طویل گاڑی 50 گڈز ویگن پر مشتمل اس مال بردار یعنی فریٹ ٹرین کو انتہائی طاقتور انجن جی ای یو 40کے ذریعے 60 کلومیٹر فی گھنٹے کی زیادہ سے زیادہ رفتار پر بھی کامیابی سے چلایا گیا ہے۔
پاکستان ریلوے نے ملکی تاریخ کی لمبی ترین مال گاڑی چلا دی
ڈھائی ہزار فٹ لمبی گاڑی 50 ڈبوں پر مشتمل
گاڑی کو انتہائی طاقتور انجن GEU-40 کے ذریعے چلایا گیا
گاڑی کراچی سے 3000 ٹن سے زائد مال لوڈ کر کے کوٹری لے کر گئی
ٹرین 94 بائس وہیلر ٹرکوں سے زائد وزن اٹھانے کی صلاحیت رکھتی ہے pic.twitter.com/FBpB9phxuk
— Pakistan Railways (@PakrailPK) March 15, 2024
پاکستان ریلوے کے جاری کردہ اعلامیہ کے مطابق کراچی سے 3ہزار ٹن سے زائد مال لوڈ کر کے یہ مال بردار ٹرین 60 کلو میٹر فی گھنٹہ کی رفتار سے کوٹری لے کر پہنچی، جس کی پورے سفر کے دوران اوسط رفتار 38 کلو میٹر رہی۔
ترجمان پاکستان ریلوے کے مطابق یہ فریٹ ٹرین 94 بائیس وہیل والے ٹریلرز سے زائد وزن اٹھانے کی صلاحیت رکھتی ہے، اس ٹرین سے سڑک پر ٹریفک کے غیر ضروری دباؤ اور ماحولیاتی آلودگی میں بھی کمی آئے گی۔
