حکومت نے قومی بچت کی مختلف اسکیموں کے منافع پر نظر ثانی کرتے ہوئے ردوبدل کا اعلان کردیا ہے، جس کے مطابق اسپیشل سیونگ سرٹیفکیٹ، ریگولر انکم سرٹیفکیٹ، پینشنرز بینیفٹ اکاؤنٹ، بہبود سیونگ سرٹیفکیٹ، اور شہداء فیملی ویلفیئر اکاؤنٹ پر منافع کی شرح میں معمولی اضافہ ہوگیا ہے۔
میڈیا رپورٹس کے مطابق حکومت نے اسپیشل سیونگ سرٹیفکیٹ، ریگولر انکم سرٹیفکیٹ، پینشنرز بینیفٹ اکاؤنٹ، بہبود سیونگ سرٹیفکیٹ، اور شہداء فیملی ویلفیئر اکاؤنٹ، پر منافع کی شرح میں اضافہ کیا ہے۔
دوسری جانب شارٹ ٹرم سیونگ سرٹیفکیٹس پر منافع کی شرح میں 76 بیسس پوائنٹس کی کمی ہوئی ہے تاہم ڈیفنس سیونگ سرٹیفکیٹ، سیونگ اکاؤنٹ، سروہ اسلامک ٹرم اکاؤنٹ اور سروہ اسلامک سیونگ اکاؤنٹ پر منافع کی شرح میں کوئی تبدیلی نہیں کی گئی ہے۔
اسپیشل سیونگ سرٹیفکیٹ پر منافع کی شرح 20 بیسس بوائنٹس اضافے کے ساتھ 15.8 فیصد ہو گئی ہے، سیونگ اکاؤنٹ پر منافع کی شرح 20.5 فیصد رکھی گئی ہے جبکہ شارٹ ٹرم سیونگ سرٹیفکیٹس پر منافع کی شرح 76 بیسس پوائنٹس کم ہو کر 19 فیصد ہو گئی ہے۔
بہبود سیونگ سرٹیفکیٹس، پینشنرز بینیفٹس اکاؤنٹ اور شہداء فیملی ویلفیئر اکاؤنٹس پر منافع کی شرح 24 بیسس پوائنٹس اضافے کے ساتھ 15.6 فیصد ہوگئی ہے۔
اسی طرح ڈیفینس سیونگ سرٹیفکیٹ ، سرو اسلامک ٹرم اکاؤنٹ اور اسلامک سیونگ اکاؤنٹ پر منافع کی شرح کو بالترتیب 14.4 فیصد، 18.54 فیصد اور 20.5 فیصد پر برقرار رکھتے ہوئے ان میں کوئی تبدیلی نہیں کی گئی ہے۔
