آج سے ملک کے 26 اضلاع میں خصوصی انسداد پولیو مہم کا آغاز ہو گیا، اس دوران 8 لاکھ 80 ہزار سے زائد بچوں کو معذوری سے بچانے کے لیے پولیو ویکسین کے قطرے پلائے جائیں گے۔
وزارتِ قومی صحت کے مطابق بلوچستان کے 11، سندھ کے 7 اور پنجاب کے 5 اضلاع میں مہم کا انعقاد کیا گیا ہے۔ 2 پولیو کیسز اور وائرس کی نشاندہی کے بعد یہ خصوصی پولیو مہم شروع کی گئی ہے۔
مزید پڑھیں
وفاقی سیکریٹری صحت افتخار شلوانی نے والدین سے بچوں کو پولیو سے بچاؤ کے قطرے پلوانے کی اپیل کی ہے۔ کہا تمام بچوں کو پولیو وائرس سے محفوظ بنانا حکومت کی اولین ترجیح ہے۔
ان کا کہنا تھا کہ پولیو وائرس آپ کے بچے کو عمر بھر کے لیے معذور بنا سکتا ہے۔ اس لیے پولیو ورکرز کے لیے دروازہ کھولیں اور بچوں کو لازمی قطرے پلوائیں۔
