ایف آئی اے کی کارروائی، جعلی اور ممنوعہ ادویات کی بڑی کھیپ پکڑ لی

بدھ 27 مارچ 2024
icon-facebook icon-twitter icon-whatsapp

وفاقی تحقیقاتی ایجنسی (ایف آئی اے) کے اینٹی کرپشن سرکل، ڈریپ حکام اور پولیس کی مشترکہ ٹیم نے خیبرپختونخوا کے علاقے سیفن بڈھ بیر میں جعلی ادویات بنانے والی فیکٹری پر چھاپہ مار کر جعلی اور ممنوعہ ادویات کی بڑی کھیپ پکڑ لی۔

ایف آئی اے کے اینٹی کرپشن سرکل پشاور نے پشاور کے علاقے سیفن بڈھ بیر میں واقع جعلی ادویات بنانے والی فیکٹری پر چھاپہ مارا، چھاپے کے دوران جعلی ادویات کی بڑی کھیپ پکڑی گئی، فیکٹری سے ادویات بنانے میں استعمال ہونے والی مشینری بھی برآمد ہوئی، مذکورہ مشینیں جعلی ادویات بنانے میں استعمال ہورہی تھیں۔

ایف آئی اے کے مطابق جعلی ادویات بنانے والی فیکٹری سے ادویات، انجیکشنز، پیکنگ میٹریل بھی برآمد ہوا ہے۔

ملزمان جعلی سیرپ بنا کر استعمال شدہ بوتلوں میں پیک کرکے نئے اسٹیکر لگاتے تھے، چھاپہ مار کارروائی میں ڈریپ حکام اور مقامی پولیس بھی شامل تھے۔

برآمد شدہ ادویات اور دیگر آلات کو قبضے میں لے کر ڈریپ حکام کے حوالے کر دیا گیا ہے، ملزمان کے خلاف مقدمہ درج کرکے انکوائری شروع کردی گئی ہے جبکہ جعلی ادویات کی فیکٹری سیل کردی گئی ہے۔

ایف آئی اے حکام نے اس عزم کا اظہار کیا ہے کہ جعلی ادویات بنانے میں ملوث عناصر کے خلاف ملک گھیر کریک ڈاون جاری رہے گا، خصوصی چھاپہ مار ٹیمیں ڈریپ حکام کے ساتھ بلا امتیاز کارروائیاں کر رہی ہیں، معصوم شہریوں کی زندگیوں سے کھیلنے والے عناصر کو کیفرکردار تک پہنچایا جائے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

محسن نقوی کا نواب شاہ کا اچانک دورہ، صدر آصف علی زرداری کو اہم پیغام پہنچایا

ایران سے کسی ڈیل کی ضرورت نہیں، جے ڈی وینس امن معاہدے کی کوشش کے بجائے ملک میں کرپشن پر توجہ دیں، ڈونلڈ ٹرمپ

پیٹرولیم مصنوعات کی قیمتوں میں کمی کا سلسلہ جاری، ڈیزل 4 روپے اور پیٹرول 3 روپے فی لیٹر سستا

خواجہ سعد رفیق نے عمران خان سے ملاقاتوں کو 28ویں آئینی ترمیم اور گورنر راج سے جوڑ دیا

مستونگ، فورسز نے بارود سے بھری گاڑی تباہ کر کے دہشتگردی کا بڑا منصوبہ ناکام بنا دیا، کارروائی میں 3 دہشتگرد ہلاک

ویڈیو

کوہاٹ میں سونے کی غیرقانونی کان کنی اور عسکریت پسندوں کا گٹھ جوڑ : حکومت کیا کرنے جارہی ہے؟

تربیلا ڈیم توسیعی منصوبے میں حادثہ، خیبرپختونخوا میں بجلی کا بحران شدت اختیار کرگیا

کیا بشریٰ بی بی کی اڈیالہ جیل سے رہائی کے امکانات بڑھ گئے ہیں؟

کالم / تجزیہ

فلسفہ وغیرہ !

جے یو آئی تحریک انصاف کے راستے پر؟

پانچ سوال، جو امریکا کے مستقبل کا فیصلہ کریں گے