ضلع بونیر چغرزئی کے دور دراز پہاڑی علاقے شنگڑہ میں ڈاٹسن گاڑی ڈرائیور سے بے قابو ہوکر کئی سو فٹ گہری کھائی میں جاگری جس کے نتیجے میں خواتین اور بچوں سمیت 8 افراد جاں بحق ہو گئے۔
مزید پڑھیں
ریسکیو1122 بونیر کی جانب سے جاری تفصیلات کے مطابق جمعرات کو ضلع بونیر چغرزئی کے دور دراز پہاڑی علاقے شنگڑہ میں ڈاٹسن تقریباً 1600 فٹ گہری کھائی میں جا گری جس کے نتیجے میں ایک ہی خاندان کے 8 افراد جاں بحق ہو گئے ۔
پولیس کے مطابق ایک ہی خاندان کے یہ تمام افراد اپنی گاڑی میں شاہی گاؤں جارہے تھے کہ چغرزئی پانڈھیر کے مقام پر تیز رفتاری کے باعث حادثے کا شکار ہو گئے۔
کنٹرول روم بونیر کو اطلاع ملتے ہی ریسکیو 1122 کے 2 ایمبولینسں بمعہ میڈیکل ٹیم فوری جائے وقوعہ پہنچ گئیں۔
پولیس کے مطابق جاں بحق افراد کا تعلق ایک ہی خاندان سے ہے جن میں ظفر ڈرائیور، ظفر ڈرائیور کی بیوی ، ظفر ڈرائیور کا بچہ، زنغوزے کی بیوی، خان کی بیوی، خان کا بچہ، ظاہر کی بیوی، ایک عورت جس کے بارے میں معلوم نہیں ہو سکا، شامل ہیں۔
پولیس کے مطابق مقامی لوگوں اور پولیس نے کارروائی کرتے ہو ئے لاشوں کو نکال کر ڈسٹرکٹ ہیڈ کوارٹرز اسپتال ڈگر منتقل کردیا۔
