سعودی وزیر ثقافت شہزادہ بدر بن عبد اللہ بن فرحان آل سعود نے چائنا میں ’ماہِ عربی‘ پروگرام کا آغاز کیا، جس کا مقصد عربی زبان کی تعلیم کو فروغ دینا اور چین میں اس کی موجودگی کو بڑھانا ہے۔
مزید پڑھیں
اس پروگرام میں تدریسی نصاب اور اساتذہ کی کارکردگی کو بہتر بنانے کے لیے تعلیمی اداروں کے ساتھ علمی سرگرمیوں کے علاوہ چینی یونیورسٹیوں اور عربی زبان میں دلچسپی رکھنے والے مراکز کے دورے اور ملاقاتیں شامل ہیں۔
علمی مقابلہ
اس پروگرام میں بیجنگ یونیورسٹی آف لینگوئجز اینڈ کلچر کے تعاون سے ایک علمی مقابلہ بھی شامل ہے، جس میں عربی زبان سیکھنے والوں کے لیے تین شعبوں خطابت، قصہ، اور عربی خطاطی میں مقابلہ رکھا گیا ہے۔
علمی سرگرمیوں میں مباحثہ، ڈسکشن پینلز، اور علمی دورے شامل ہیں، اساتذہ کے لیے تربیتی کورسز کے علاوہ زبان کی مہارت کو فروغ دینے اور عربی کو دوسری زبان کے طور پر پڑھانے کے فعال طریقے سکھانا شامل ہے۔
کنگ سلمان انٹرنیشنل اکیڈمی فار عربی لینگویج
یہ پروگرام بین الاقوامی سطح پر عربی زبان کی تعلیم کو فروغ دینے کے لیے کنگ سلمان انٹرنیشنل اکیڈمی فار عربی لینگویج کے منصوبوں کا حصہ ہے۔ اس طرح کے پروگرام کئی دوسرے ممالک جیسے ہندوستان، برازیل، ازبکستان اور انڈونیشیا میں بھی کیے گئے ہیں۔
