اداکارہ دُر فشان سلیم پاکستان ٹیلی ویژن کی مقبول ترین اداکارہ ہیں جنہوں نے اپنے حالیہ ہٹ ڈراموں ’جیسے جیسے آپ کی مرزی‘ ، ’ کھائی‘ اور ’عشق مرشد ‘ کی وجہ سے بے پناہ مقبولیت اور مداحوں کی توجہ حاصل کی ہے۔
آج کل اداکارہ دُر فشان ہٹ ڈراما سیریل ’کھائی‘ میں زمدا کے کردار میں اپنی شاندار اداکاری کی وجہ سے سرخیوں میں ہیں۔ ڈراما سیریل میں ان کی الماری، ان کی خوبصورتی اور دیگر لوازمات پر بھی مداح نظر رکھے ہوئے ہیں۔
یہاں تک کہ ڈراما سیریل کے ایک منظر میں در فشان نے جو جوتے پہن رکھے تھے وہ بھی آج کل سوشل میڈیا پر خوب وائرل ہو رہے ہیں۔ مداحوں نے ان کے اسٹائلش اسنیکرز موچاری جوتوں کو بے حد پسند کیا۔ موچاری برانڈ کی آفیشل ٹیم نے بھی ان جوتوں کو اپنے سوشل میڈیا اکاؤنٹ پر شیئر کیا ہے۔
مشہور ڈراما سیریل ’کھائی ‘ میں زمدا (درفشان ) کے موچاری برانڈ جوتوں کے سوشل میڈیا پر وائرل ہونے کے بعد موچاری برانڈ کمپنی نے بھی ان جوتوں کو تشہیر کو پروڈکشن کو تیز کر دیا ہے۔ کمپنی نے ڈرامے کی تصاویر پوسٹ کیں اور اس کی تفصیلات بھی دیں۔
موچاری کے آفیشل پیج پر لکھا گیا ہے کہ ‘اداکارہ دُر فشان کو موچاری پہنے ہوئے دیکھا گیا ہے۔ درفشان نے ان جوتوں کو خود خریدا تھا۔اس کے بعد ان جوتوں کی ڈیمانڈ میں اضافہ ہوا ہے-
کمپنی نے سوشل میڈیا پر درفشان کا یہ جوتے استعمال کرنے پر شکریہ بھی ادا کیا ہے اور ویب سائٹ پر جوتوں کی قیمت کا بھی ذکر کیا گیا ہے۔
