وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا۔
وفاقی وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 9 روپے 66 پیسے کا اضافہ کیا گیا ہے جبکہ ڈیزل کی قیمت میں 3 روپے 32 پیسے کی کمی کی گئی ہے۔
New Petroleum Prices from 1st April, 2024. pic.twitter.com/ykbcERGt2s
— Ministry of Finance, Government of Pakistan (@Financegovpk) March 31, 2024
قیمتوں میں ردوبدل کے بعد پیٹرول کی نئی قیمت 289 روپے 41 پیسے فی لیٹر مقرر کی گئی ہے جبکہ ڈیزل 282 روپے 24 روپے فی لیٹر میں دستیاب ہوگا۔
پیٹرولیم مصنوعات کی نئی قیمتوں کا اطلاق رات 12 بجے سے ہوگا۔
مزید پڑھیں
عالمی مارکیٹ میں خام تیل کی قیمتوں میں 4 ڈالر فی بیرل اضافے کے باعث پاکستان میں بھی پیٹرول کی قیمتوں میں اضافہ کیا گیا ہے۔
اس سے قبل 16 مارچ کو وفاقی حکومت نے پیٹرول کی قیمت کو برقرار رکھتے ہوئے ڈیزل کی قیمت میں ایک روپیہ 77 پیسے فی لیٹر کمی کا اعلان کیا تھا۔
