بلوچستان کے ضلع قلات کے علاقے بینچہ میں قومی شاہراہ پر ٹریفک حادثہ پیش آیا ہے جس کے نتیجے میں خاتون سمیت 3 افراد جاں بحق ہوگئے۔
اطلاعات کے مطابق کراچی سے پشین جانے والی کار مخالف سمت سے آنے والی مسافر کوچ سے ٹکراگئی، جس کے نتیجے میں خاتون 2 بچوں سمیت جاں بحق ہوگئی جبکہ 4 افراد زخمی بھی ہوگئے۔
مزید پڑھیں
حادثے کے فوری بعد ریسکیو ٹیمیں موقع پر پہنچ گئیں جنہوں نے میتیوں اور زخمیوں کو ڈی ایچ کیو قلات منتقل کردیا۔
ریسکیو حکام کے مطابق زخمیوں کو ابتدائی طبی امداد کے بعد کوئٹہ منتقل کردیا گیا ہے۔
اِدھر قلات لیویز نے کارروائی کرتے ہوئے مسافر کوچ کو قبضے لیکر مقدمہ درج کرکے تفتیش شروع کردی۔
