خیبرپختونخوا کے علاقے لکی مروت میں نامعلوم افراد نے فائرنگ کرکے ڈی ایس پی کو گن مین سمیت شہید کردیا۔
مزید پڑھیں
پولیس کے مطابق فائرنگ کا افسوسناک واقعہ لکی مروت کے علاقے میں پیش آیا، ڈی ایس پی ہیڈ کوارٹر گل محمد خان رات گئے معمول کی گشت پر تھے کہ نامعلوم مسلح افراد نے ان کی گاڑی پر اندھا دھند فائرنگ کی۔ گولیاں لگنے سے گاڑی میں موجود ڈی ایس پی اور گن مین سمیت 2 پولیس اہلکار شدید زخمی ہوگئے۔
ڈی ایس پی گل محمد خان اور گن مین کو زخمی حالت میں سرائے نورنگ اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے، تاہم دونوں پولیس اہلکار ابھی بھی زخمی حالت میں اسپتام میں موجود ہیں۔
لکی مروت پولیس کے مطابق واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے لیا ہے، ناکہ بندی کرکے ملزموں کی تلاش بھی شروع کر دی گئی ہے۔
پولیس نے بتایا کہ نامعلوم افراد منجی والا کی حدود میں ڈی ایس پی گل محمد خان پر حملہ آور ہوئے، جہاں وہ معمول کی گشت پر موجود تھے۔
