بھارتی کرکٹ ٹیم کے کپتان روہت شرما نے طنزیہ انداز میں کہا کہ وہ اپنے دو ساتھیوں شیکھر دھون اور رشبھ پنت کے ساتھ کبھی کمرہ شیئرنہیں کریں گے۔
شریاس آئیر کے ساتھ نیٹ فلکس پر دی گریٹ انڈین کپل شو میں شرکت کرتے ہوئے، بھارتی اوپننگ بلے باز اور کپتان روہت شرما نے مذاق میں کہا کہ وہ دھون اور پنت کے ساتھ کمرہ شیئر نہیں کریں گے کیونکہ وہ بے ترتیب ہیں اور 3 سے 4 دن تک اپنے کمرے صاف نہیں کرتے۔
’آج کل سب کو ایک ہی کمرہ ملتا ہے لیکن اگر مجھے ایک ہی کمرہ شیئر کرنے کا موقع ملتا ہے، تو دو لوگ ہیں جن کے ساتھ میں اپنا کمرہ بانٹنا نہیں چاہوں گا؛ شیکھر دھون اور رشبھ پنت۔۔۔ وہ بہت گندے ہیں، پریکٹس کے بعد وہ اپنے کپڑے بستر پر پھینک دیتے ہیں۔‘
دی گریٹ انڈین کپل شو کے اسی پروگرام میں روہت شرما نے مزید بتایا کہ ان کے دونوں ساتھی کھلاڑیوں کا کمرہ ہمیشہ ’ڈونٹ ڈسٹرب‘ کے نوٹس پر ہوتا ہے کیونکہ وہ دوپہر 1 بجے تک سوتے ہیں، ہاؤس کیپنگ کا عملہ صبح کمرے صاف کرنے آتا ہے، اس لیے ان کے لیے یہ ضروری ہے کہ وہ اپنے کمرے ’ڈونٹ ڈسٹرب‘ پر رکھیں۔
’بصورت دیگر ہوٹل کا عملہ کمرے میں داخل ہوجائیں گے، چونکہ ’ڈونٹ ڈسٹرب‘ کے نوٹس کے باعث عملہ صفائی نہیں کرپاتا لہذا اسی وجہ سے ان کے کمرے اکثر 3 سے 4 دن تک گندے رہتے ہیں، یہ صورتحال ان کے آس پاس رہنے والے لوگوں کے لیے ایک مسئلہ بن جاتی ہے، اس لیے مجھے نہیں لگتا کہ میں ان کے ساتھ رہ سکوں گا۔‘
