پاکستان کرکٹ بورڈ (پی سی بی) نے سابق ٹیسٹ کرکٹر اظہرمحمود کو نیوزی لینڈ کے خلاف ٹی20 سیریز کے لیے قومی ٹیم کا ہیڈ کوچ مقرر کر دیا ہے، اظہر محمود اس سے قبل پاکستان کرکٹ ٹیم کے بولنگ کوچ بھی رہ چکے ہیں۔
مزید پڑھیں
پاکستان کرکٹ بورڈ کی طرف سے کیے گئے اعلان کے مطابق وہاب ریاض سینیئر ٹیم منیجر اور منصور رانا ٹیم منیجر ہوں گے جب کہ محمد یوسف کو بیٹنگ کوچ اور سعید اجمل کو اسپن بولنگ کا کوچ مقررکر دیا گیا ہے۔
اعلان کے مطابق نیوزی لینڈ کے خلاف سیریز کے لیے پاکستان کرکٹ ٹیم کا اعلان منگل کو لاہور میں کیا جائے گا، 5 میچوں کی سیریز 18 سے 27 اپریل تک راولپنڈی اور لاہور میں کھیلی جائے گی۔ جب کہ نیوزی لینڈ کی کرکٹ ٹیم 14 اپریل کو پاکستان پہنچے گی۔
