وزیر اعظم محمد شہباز شریف اور ترکیہ کے صدر رجب طیب اردوان کے درمیان ٹیلیفونک رابطے میں عیدالفطر کی مبارکباد کا تبادلہ کیا گیا۔
مزید پڑھیں
دونوں رہنماؤں نے عید الفطر کے پر مسرت موقعے پر پاکستان اور ترک عوام کے لیے امن، خوشحالی اور اتحاد کے لیے نیک خواہشات کا اظہار کیا۔
پاکستان اور ترکیہ کے درمیان گہرے اور تاریخی تعلقات کا ذکر کرتے ہوئے وزیراعظم نے دونوں ممالک کے درمیان باہمی دلچسپی کے تمام شعبوں میں دو طرفہ تعاون کو مزید مستحکم کرنے کے اپنے عزم کا اعادہ کیا۔
دونوں رہنماؤں نے اس بات کا اعادہ کیا کہ وہ بنیادی قومی مفادات پر ایک دوسرے کی بھرپور حمایت جاری رکھیں گے۔ دونوں صدور نے فلسطین میں قیام امن پر بھی زور دیا۔
وزیراعظم نے صدر اردوان کو جلد از جلد پاکستان کا دورہ کرنے کی دعوت دی۔ اس دورے سے اسٹریٹجک کوآپریشن کونسل کے ساتواں اجلاس بھی منعقد ہونے کے کی امکانات بھی روشن ہو جائی گے۔
