پاکستان تحریک انصاف کے بانی عمران خان کی اہلیہ بشریٰ بی بی کا چیک اپ کرلیا گیا جس کے بعد ڈاکٹرز نے ان کی تمام رپورٹس کلیئر قرار دیدی ہیں۔
ذرائع نے بتایا ہے کہ اسلام آباد کے شفا اسپتال میں بشریٰ بی بی کا چیک اپ کیا گیا ہے۔
مزید پڑھیں
چیک اپ کے دوران بشریٰ بی بی کے میڈیکل ٹیسٹ بھی کیے گئے جن میں ای سی جی، ایکو، الٹراساؤنڈ اور اینڈوسکوپی شامل ہیں۔
ذرائع کے مطابق بشریٰ بی بی کے تمام میڈیکل ٹیسٹ نارمل آئے ہیں، جبکہ انہوں نے بلڈ ٹیسٹ کروانے سے انکار کردیا۔
ذرائع کے مطابق ڈاکٹروں نے بتایا ہے کہ بشریٰ بی بی کو گیسٹرو کا معمولی مسئلہ ہے۔
اسپتال ذرائع کے مطابق حتمی رپورٹ میں یہ تحریر کیا جائے گا کہ بشریٰ بی بی نے خون کا نمونہ نہیں دیا جبکہ میڈیکل رپورٹس جیل سپرنٹنڈنٹ، پمز اسپتال اور ڈاکٹر عاصم کو فراہم کی جائیں گی۔
واضح رہے کہ احتساب عدالت نے گزشتہ روز بشریٰ بی بی کے ٹیسٹ نجی اسپتال سے کرانے کا حکم دیا تھا۔
