میٹا واٹس ایپ کے کون سے اہم فیچر پر کام کررہی ہے؟

ٹیکنالوجی کمپنی میٹا واٹس ایپ صارفین کے لیے کانٹیکٹ نوٹ فیچر لانے پر کام کررہی ہے۔

ویب بیٹا انفو کے مطابق، میٹا واٹس ایپ کے اینڈرائیڈ اور ویب صارفین کے اپنی پسند کے کانٹیکٹس کو فیورٹ لسٹ میں ایڈ یا ڈیلیٹ کرنے کے لیے اہم فیچر لانے کی تیاری کررہی ہے۔

یہ خصوصیات بنیادی طور پر واٹس ایپ بزنس کے صارفین کے لیے کارآمد ہوں گی، تاکہ وہ اپنے کانٹیکٹس سے رابطوں اور بات چیت میں متعلقہ معلومات شامل کرسکیں۔

اس فیچر سے صارفین کی ان افراد تک رسائی زیادہ آسان ہو جائے گی جن سے وہ اکثر رابطے میں رہتے ہیں، صارفین کو کانٹیکٹس میں اسکرول کرنے کی ضرورت نہیں رہے گی۔

ابھی اس فیچر پر کام جاری ہے اور یہ بیٹا صارفین کو بھی دستیاب نہیں ہے۔

 یہ فیچر کب تک صارفین کے لیے دستیاب ہوگا یہ کہنا ابھی قبل از وقت ہے، بظاہر یہ سب سے پہلے اینڈرائیڈ صارفین کے لیے متعارف کرایا جائے گا۔