انٹرنیشنل کرکٹ کونسل کی جانب سے ون ڈے، ٹی ٹوئنٹی اور ٹیسٹ کھلاڑیوں کی نئی رینکنگ جاری کردی گئی ہے۔
انٹرنیشنل کرکٹ کونسل کی جانب سے جاری کی گئی ون ڈے رینکنگ کے مطابق قومی کرکٹ ٹیم کے بیٹر بابر اعظم پہلے نمبر پر براجمان ہیں جبکہ بھارتی بیٹر شمبن گل کا دوسرا نمبر ہے، اور بھارت کے ہی ویرات کوہلی تیسرے نمبر پر ہیں۔
بریکنگ نیوز !!!!!
ائی سی سی نے تازہ ون ڈے رینکنگ جاری کر دی !!! پاکستان کے کپتان بابر اعظم پہلے نمبر کی پوزیشن برقرار رکھنے میں کامیاب !!!!!#BabarAzam #Ranking2024 #T20 #T20WorldCup2024 #PAKvNZ pic.twitter.com/DF7GHrWo4Y— Khizar Hayat Shah (@khizarHshah) April 24, 2024
اسی طرح ٹی ٹوئنٹی رینکنگ میں بھارتی بیٹر سوریا کمار یادیو کا پہلا نمبر برقرار ہے جبکہ انگلینڈ کے فل سالٹ دوسرے نمبر پر ہیں اور پاکستانی وکٹ کیپر بیٹر محمد رضوان تیسرے نمبر پر براجمان ہیں۔
ٹی ٹوئنٹی بیٹرز کی رینکنگ میں جنوبی افریقی بیٹر ایڈن مارکرم چھوتھے نمبر پر آگئے جبکہ قومی کپتان بابر اعظم کی ایک درجہ تنزلی ہوئی ہے اور وہ پانچویں پوزیشن پر چلے گئے ہیں۔
اسی طرح ٹیسٹ رینکنگ میں بھی قومی کرکٹ ٹیم کے کپتان بابر اعظم کا تیسرا نمبر ہے، جبکہ نیوزی لینڈ کے کین ولیمسن پہلے اور انگلینڈ کے جو روٹ دوسرے نمبر پر براجمان ہیں۔