وفاقی حکومت نے سابق وزیراعظم عمران خان کی معاون خصوصی رہنے والی تانیہ ایدروس کو ڈیجیٹل پاکستان کمیٹی کا کنونیئر مقرر کیا ہے جس کا نوٹیفکیشن جاری کردیا گیا ہے۔
وزارت آئی ٹی سے جاری نوٹیفکیشن کے مطابق کمیٹی کی سربراہی وزیر مملکت برائے آئی ٹی شزا فاطمہ کریں گی۔
مزید پڑھیں
یاد رہے کہ عمران خان کے دور میں معاون خصوصی رہنے والی تانیہ ایدروس نے مبینہ طور پر دہری شہریت پر تنقید کی وجہ سے استعفیٰ دیدیا تھا۔
شہباز شریف حکومت نے جونہی عمران خان کی معاون خصوصی رہنے والی خاتون کو ڈیجیٹل پاکستان کمیٹی کا کنونیئر مقرر کیا سوشل میڈیا پر ایک بحث نے جنم لے لیا ہے۔
کچھ صارفین شہباز شریف کی حکومت پر تنقید کررہے ہیں تو کچھ کا کہنا ہے کہ تانیہ ایدروس غیر سیاسی خاتون ہیں انہیں صرف اس لیے یہ ذمہ داری دی گئی ہے تاکہ پاکستان ڈیجیٹل کی دنیا میں ترقی کرسکے۔
فیصل رانجھا نامی صارف نے ٹوئٹ کرتے ہوئے لکھا کہ یہ پارٹی ٹھیک نہیں ہوسکتی، گزشتہ 10 سال سے سوشل میڈیا پر انہیں خواری کا سامنا ہے، کچھ پاگل انہیں سپورٹ کرتے ہیں، انہیں لگتا ہے کہ شاید ملک ٹھیک ہوجائے لیکن یہ چاچا، ماما، دادا، یاری دوست گروپ سے باہر نہیں نکل سکے۔
یہ پارٹی ٹھیک نہیں ہوسکتی گزشتہ دس سال سے سوشل میڈیا پر انہیں خواری کا سامنا ہے کچھ پاگل انہیں سپورٹ کرتے ہیں انہیں لگتا ہے کہ شائد ملک ٹھیک ہوجائے لیکن یہ چاچا ماما دادا یاری دوست گروپ سے باہر نہیں نکل سکے pic.twitter.com/qGW0TVAPbk
— Faisal Ranjha (@ranjha001) April 24, 2024
اعجاز نامی صارف نے لکھا کہ مسلم لیگ ن والوں نے مریم اکرام کے ایم پی اے بننے پر تو بہت شور مچایا تھا، اب خاموش کیوں ہیں۔ اسے تو منافقت کہتے ہیں۔
پٹواریوں نے مریم اکرام کی دفعہ تو بڑا شور مچایا تھا اب یوتھنی کی اپواینٹمینٹ پر خاموش ہیں منافق پٹواری
— ejaz (@ejaz54015252) April 24, 2024
احسن لکھتے ہیں کہ تانیہ ایدروس گوگل میں اچھے عہدے پر کام کر رہی تھیں، جہانگیر ترین ان کو ڈیجیٹل پاکستان پر کام کرنے کے لیے نوکری چھوڑنے پر آمادہ کرکے لائے تھے لیکن اعظم خان اور علی زیدی وغیرہ نے ان کو ایک دن بھی کام نہیں کرنے دیا، یہ ایک غیر سیاسی پروفیشنل خاتون ہیں۔
یہ گوگل میں اچھے عہدے پر کام کر رہی تھی غیر سیاسی تھی جہانگیر ترین اسکو ڈیجیٹل پاکستان پر کام۔ کرنے کے لئے نوکری چھوڑ نے پر آمادہ کر کے لایا تھا لیکن اعظم خان اور علی زیدی وغیرہ نے اسکو ایک دن بھی کام کرنے نہیں دیا اور حکومت سے نکلوا دیا یہ غیر سیاسی پروفیشنل عورت ہے
— Ehsan (@Ehsan69439024) April 24, 2024
پی ایم ایل این ٹی ایم کے نام سے ایک اکاؤنٹ سے ٹوئٹ کی گئی کہ شہباز حکومت پی ٹی آئی والوں کو چن چن کر نواز رہی ہے۔
شہباز حکومت یوتھیوں کو چن چن کر نواز رہی ہے 🫡https://t.co/xv2S1T90J7
— PMLN™️ (@ABCDE797) April 24, 2024
جاوید راؤ کہتے ہیں کہ سیاسی وابستگی ایک طرف مگر یہ محترمہ پی ٹی آئی کی حکومت میں انتہائی نکمی ثابت ہوئی تھیں، اس وقت تمام تر موافق حالات کے باوجود بھی ٹکے کا کام نہیں کرسکی تھیں۔
سیاسی وابستگی ایک طرف پر یہ محترمہ پی ٹی آئی کی حکومت میں انتہائی نکمی ثابت ہوئی تھیں اسوقت تمام تر موافق حالات کے باوجود بھی ٹکے کا کام نہیں کر سکی تھیں
— Jawed Rao (@jawaidislam_) April 24, 2024
تانیہ ایدروس کی تعیناتی پر جہاں شہباز شریف کے مخالفین ان کو تنقید کا نشانہ بنارہے ہیں وہیں کچھ مسلم لیگیوں نے بھی اپنی توپوں کا رخ انہی کی طرف کیا ہوا ہے۔
