کپل شرما کی نیٹ فلکس کے ذریعے اسکرین پر واپسی ناظرین کی تعداد میں کمی کے باعث عالمی درجہ بندی میں تنزلی کا شکار ہوگئی۔
‘دی گریٹ انڈین کپل شو’ نے نیٹ فلکس پر اب تک چار اقساط کا سفر مکمل کرلیا ہے مگر اعداد و شمار کے مطابق نشر ہونے کے ایک ماہ بعد ناظرین کی تعداد میں مسلسل کمی دیکھی جارہی ہے۔ شو کی گرینڈ لانچنگ اور مہمانوں کی لمبی فہرست بھی اس کے ناظرین کی تعداد میں خاطر خواہ اضافہ نہ کر پائی۔
View this post on Instagram
نیٹ فلکس کی گلوبل ٹاپ 10 لسٹ کے مطابق شو کی پہلی قسط جس میں رنبیر کپور، ان کی والدہ نیتو کپور اور بہن ردھیما کپور نے شرکت کی تھی اسے 2.4 ملین ناظرین نے دیکھا۔ شو پہلے ہفتے تیسری پوزیشن پر رہا ، تاہم دوسرے ہفتے میں یہ شو ویورز کی تعداد میں کمی کے باعث پانچویں نمبر پر آگیا۔
View this post on Instagram
دوسری جانب کپل شرما اور ان کی ٹیم شو کی کامیابی کا دعویٰ کرتے ہوئے جشن مناتی دکھائی دے رہی ہے۔کپل ، سنیل گروور، ارچنا پورن سنگھ اور دیگر نے اپنے سوشل میڈیا پلیٹ فارمز پر ٹیم کے ساتھ تصاویر شیئر کرتے ہوئے شو کی عالمی سطح پر کامیابی کا دعویٰ کردیا۔
واضح رہے کہ نیٹ فلکس کے اعداد و شمار کے مطابق شو کے ناظرین کی تعداد مسلسل کم ہو رہی ہے۔
