عراق کی معروف سوشل میڈیا ایکٹوسٹ غفران سوادی المعروف اُم فہد کو قتل کر دیا گیا ہے۔
غیرملکی میڈیا کے مطابق عراق کی معروف ٹک ٹاکر غفران سوادی کو جمعہ کے روز بغداد میں ان کے گھر کے باہر نامعلوم شخص نے گولیاں مار کر قتل کر دیا، فائرنگ کی ویڈیو سی سی ٹی وی کیمرے میں محفوظ ہوگئی۔
مزید پڑھیں
ویڈیو میں دیکھا جاسکتا ہے موٹر سائیکل پر سوار ایک شخص غفران سوادی کے گھر کے قریب آتا ہے اور موٹر سائیکل کھڑی کرکے ایک کار کی طرف بھاگتا ہے اور پھر گاڑی پر فائرنگ کرتے ہوئے موقع سے فرار ہو جاتا ہے۔
سوادی کے ایک پڑوسی جس نے اپنی شناخت صرف اپنے عرفی نام، ابو آدم سے کروائی ہے، کہا کہ وہ دو گولیاں چلنے کی آواز سن کر سڑک پر آیا اور دیکھا ‘کار کا دروازہ کھلا تھا اور وہ اسٹیئرنگ وہیل پر پڑی تھی۔’
فيديو 🎥| عملية اغتيال #غفران_مهدي_سوادي
المعروفة باسم
#ام_فهد
في بغداد من قبل قاتل محترفالمدعوة قبل حين قد هددت بنشر فضائح تخص المؤسسة العسكرية و بعض قادتها
وايضاً كانت pic.twitter.com/Clj9bB1aSr— ❥ ᥫ᭡قعدة كلاونز❥ ᥫ᭡ (@Manalostan) April 27, 2024
عراقی حکام کا کہنا ہے کہ واقعے کی تحقیقات کی جارہی ہیں۔
سوادی سوشل میڈیا کی پہلی نمایاں شخصیت نہیں ہیں جنہیں وسطی بغداد میں گولی مار کر قتل کیا گیا ہے۔ پچھلے سال، نور الصفار یا ‘نور بی ایم’، ایک ٹرانس جینڈر شخص جس کی سوشل میڈیا پر بڑی تعداد میں مداح تھے، کو بھی شہر میں گولی مار کر ہلاک کر دیا گیا تھا۔
یاد رہے کہ غفران مہدی سوادی جنہیں ام فہد کے نام سے جانا جاتا ہے، سوشل میڈیا سائٹس ٹک ٹاک اور انسٹاگرام پر مقبول تھیں، جہاں انہوں نے میوزک پر ڈانس کرتے ہوئے اپنی ویڈیوز پوسٹ کیں اور انہیں ہزاروں کی تعداد میں صارفین نے فالو کیا۔ تاہم گزشتہ کچھ عرصہ سے وہ اپنی بعض ویڈیوز کی وجہ سے شدید تنقید کی زد میں تھیں۔
