معروف پاکستانی ٹک ٹاک اسٹار علشبہ انجم نے سابق منگیتر و انٹرپرینیور عفان ملک کی منکوحہ کے حوالے سے تہلکہ خیز انکشاف کیا جس کے جواب میں عفان نے بھی انہیں کرارا جواب دیا۔
مزید پڑھیں
چند روز قبل عفان ملک نے ایک انسٹا اسٹوری کے ذریعے اپنی زندگی میں نئی محبت کی آمد کا ذکر کیا تھا اور اب انہوں نے اپنے نکاح کی تصاویر جاری کر کے اپنی نئی زندگی کی شروعات کی تصدیق بھی کردی ہے۔
عفان ملک نے انسٹاگرام پر چند تصاویر بطور پوسٹ جاری کیں جن میں ان کو نکاح نامے پر دستخط کرتے دیکھے دیکھا جاسکتا ہے۔ علاوہ ازیں انہوں نے پوسٹ میں مسجد اور اپنی منکوحہ کی تصویر بھی شامل کی لیکن منکوحہ کا چہرہ واضح نہیں ہونے دیا۔
جہاں ایک طرف عفان ملک کے نکاح کی تصاویر وائرل ہورہی ہیں وہیں دوسری جانب علشبہ انجم کا ایک کمنٹ بھی زیرگردش ہے جو انہوں نے عفان کی شادی کی تصاویر وائرل ہونے سے قبل جاری کیا۔
علشبہ نے اس کمنٹ میں عفان ملک سے متعلق اہم انکشاف کرتے ہوئے لکھا، ‘مجھے کسی نے ٹک ٹاک چھوڑنے کو نہیں کہا تھا اور نہ ہی اس قسم کی کوئی بات ہوئی تھی، وہ اپنی ایکس کے ساتھ شادی کرنے جارہے ہیں اور میں ان کے لیے خوش ہوں’۔
یاد رہے کہ عفان اور علشبہ کی منگنی ٹوٹنے کی وجہ یہ مشہور ہوئی تھی کہ عفان ملک نے دین کی خاطر ٹک ٹاک چھوڑنے کے بعد یہ چاہا تھا کہ علشبہ بھی اس سب کو چھوڑ دیں لیکن وہ نہیں مانیں اس لیے عفان کو منگنی توڑنی پڑی۔
علشبہ انجم کے اس کمنٹ کے بعد عفان ملک نے شادی کی تصاویر جاری کیں اور علشبہ کی جانب سے لگائے گئے تمام الزامات کی تردید کرتے ہوئے لکھا کہ ان کی منکوحہ ان کی سابقہ گرل فرینڈ نہیں، ان کی اللہ سے مانگی گئی دعاؤں کا صلہ ہیں اور وہ ان سے شادی سے قبل صرف 3 مرتبہ ملے جن میں سے 2 مرتبہ فیملی ساتھ تھی۔
