وفاقی حکومت نے پیٹرولیم مصنوعات کی قیمتوں میں کمی کا اعلان کردیا۔
وفاقی وزارت خزانہ کے مطابق حکومت نے پیٹرول کی قیمت میں 5 روپے 45 پیسے کمی کی ہے جبکہ ڈیزل 8 روپے 42 پیسے سستا کیا گیا ہے۔
New Petroleum Prices from 1st May, 2024. pic.twitter.com/C5RkBevWYx
— Ministry of Finance, Government of Pakistan (@Financegovpk) April 30, 2024
اس کے علاوہ مٹی کے تیل کی قیمت میں 8 روپے 74 پیسے اور لائٹ ڈیزل کی قیمت میں 5 روپے 63 پیسے کی کمی کی گئی ہے۔
وزارت خزانہ سے جاری نوٹیفکیشن کے مطابق پیٹرول کی نئی قیمت 288 روپے 49 پیسے ہوگی جبکہ ڈیزل 281 روپے 96 پیسے میں دستیاب ہوگا۔
وفاقی وزارت خزانہ نے بتایا ہے کہ نئی قیمتوں کا اطلاق رات 12 بجے سے ہوجائے گا۔
واضح رہے کہ اس سے قبل 15 اپریل کو حکومت نے پیٹرول کی فی لیٹر قیمت میں 4 روپے 53 پیسے اضافہ کیا تھا جبکہ ڈیزل 8 روپے 14 پیسے مہنگا کیا گیا تھا۔
