وزیراعلیٰ پنجاب بننے کے بعد مریم نواز کی مختلف ویڈیوز اور سرکاری اشتہارات پر تصاویر اکثر سوشل میڈیا پر وائرل رہتی ہیں جن کو صارفین کی جانب سے تنقید کا نشانہ بنایا جاتا ہے۔
حال ہی میں مریم نواز کی جانب سے سوشل میڈیا پر ایک ویڈیو شیئر کی گئی جس میں جگہ جگہ ’فیلڈ اسپتال پراجیکٹ‘ کے ٹرکس کھڑے ہیں، جن پر مریم نواز کی تصاویر چسپاں ہیں، تصاویر دیکھ کر ان کے نواسے، نواسی ’نانو اگین‘ کے نعرے لگا رہے ہیں۔
My grandchildren while driving around Lahore spotted Field Hospitals on the road and got excited. Kept saying ‘Nano again’ 😄 pic.twitter.com/zL8fKiopVC
— Maryam Nawaz Sharif (@MaryamNSharif) May 1, 2024
ویڈیو پر سوشل میڈیا صارفین کی جانب سے مختلف رد عمل کا اظہار کیا جا رہا ہے۔ کسی کا کہنا ہے کہ یہی پاکستانی رشتوں کی خوبصورتی ہے جبکہ چند صارفین مریم نواز پر تنقید بھی کرتے نظر آئے۔ ان کا کہنا تھا کہ ذاتی تشہیر کی بجائے اپنی ذمہ داریاں ادا کریں۔ صحافی احتشام الحق لکھتے ہیں کہ ماشااللہ نانو نےعوام کا سارا پیسہ لاہور کے اردگرد اپنی تصاویر کی تشہیر پر خرچ کر دیا۔
Mashallah, Nano spent all the public money on her photos advertised around Lahore. ‘Nano again’. https://t.co/U8WT1lprza
— Ihtisham Ul Haq (@iihtishamm) May 2, 2024
مشیر خزانہ خیبر پختونخوا مزمل اسلم لکھتے ہیں کہ اپنی تصویر کی جگہ اگر مریم نواز کسی مریض اور خصوصی طور پر خاتون کی تصویر لگا دیتیں اس سے تو کیا فرق پڑتا؟ انہوں نے تنقید کرتے ہوئے لکھا کہ راشن کے بیگ پر والد صاحب کی تصویر اور وین پر اپنی تصویر۔ سبحان اللہ
ویسے حد ہے۰ اپنی تصویر کی جگہ اگر آپ کسی مریض اور خصوصی طور پر خاتون کی تصویر لگا دیتی تو کیا فرق پڑھتا؟ راشن کے بیگ پر والد صاحب کی تصویر، وین پر اپنی تصویر۰ سبحان اللہ https://t.co/6Rh3S7i5PM
— Muzzammil Aslam (@MuzzammilAslam3) May 1, 2024
ایک صارف نے مریم نواز کی جانب سے شیئر کی گئی ویڈیو پر تبصرہ کرتے ہوئے لکھا کہ معصوم بچے اس بات سے بے خبر ہیں کہ ان کی ’نانو‘ کی تشہیر کے لیے فنڈز دراصل ٹیکس دہندگان کی جیبوں سے حاصل کیے جا رہے ہیں، جو بعد میں اس کا بوجھ اٹھائیں گے۔
The innocent kids are unaware that the funds for their "nano's" promotion are actually being generated from the pockets of taxpayers, who are and will later bear the burden of it. Pakistan, a nation established to cater to the needs of the oppressors. https://t.co/mZF8cQLgF6
— Haroon Siddiqi (@tweakntweet) May 2, 2024
ایک ایکس صارف لکھتی ہیں کہ مریم نواز نے ’نانو اگین‘ والی ویڈیو سوشل میڈیا پر لگا کر تحریک انصاف کو منہ توڑ جواب دیا ہے جو ان کو طنزیہ طور پر ’نانی‘ کہتے تھے۔
مریم بی بی آپ نے تو "نانو اگین" والی ویڈیو لگا کے آپکو طنزیہ طور پہ "نانی" کہنے والے یوتھئیوں کو منہ توڑ جواب دے دیا ہے 👍👍👏👏
مریم بی بی تواڈی راتی کوئی نئیں جمیا 🤣🤣🤣 https://t.co/8DT75mvTjn— ❤Oxygen❤ (@Oxygen_786) May 1, 2024
راجہ راحیل لکھتے ہیں کہ کوئی روٹ، کوئی ٹریفک جام، کوئی وی وی آئی پی پروٹوکول نہیں ہے۔ عوامی وزیراعلیٰ عوام کے درمیان سفر کرتے ہوئے۔
کوئی روٹ نہیں لگا ہوا، کوئی وی وی آئی پی پروٹوکول نہیں، کوئی ٹریفک جام نہیں
عوامی وزیراعلی عوام کے درمیان سفر کرتے ہوئے
Perfect 👌👌👌👌👌❤️❤️❤️ https://t.co/Q8l9sIId9O— راجہ راحیل (@RaheelABC) May 1, 2024
یاد رہے کہ چند روز قبل ہی مریم نواز کی پولیس یونیفارم پہننے کی ویڈیوز اور تصاویر بھی سوشل میڈیا پر وائرل ہوئی تھیں، جس پر وزیرِاعلیٰ خیبرپختونخوا علی امین گنڈا پور سمیت دیگر صارفین نے انہیں تنقید کا نشانہ بنایا تھا۔
