بالی ووڈ اداکارہ انوشکا شرما نے کہا ہے کہ انہیں ویرات کوہلی کے کپڑے پہننا اچھا لگتا ہے۔ بھارتی میڈیا کے مطابق ایک انٹرویو کے دوران انوشکا شرما نے انکشاف کیا کہ وہ اکثر سابق بھارتی کپتان ویرات کوہلی کے کپڑے پہن لیتی ہیں اور بعض اوقات وہ یہ کپڑے کسی خاص وجہ سے پہنتی ہیں۔
ایک انٹرویو کے دوران ان کا کہنا تھا کہ وہ ویرات کی الماری سے کچھ کپڑے ادھار لے لیتی ہیں جن میں زیادہ تر ٹی شرٹس اور جیکٹس شامل ہوتی ہیں۔ ان کا مزید کہنا تھا کہ وہ کبھی کبھار ایسا اس لیے کرتی ہیں کیونکہ جب وہ ویرات کوہلی کے کپڑے پہنتی ہیں تو وہ بہت زیادہ خوش ہوتے ہیں۔
واضح رہے کہ گزشتہ روز بھارتی کرکٹر ویرات کوہلی نے اپنی اہلیہ و اداکارہ انوشکا شرما کی سالگرہ پر فوٹو اینڈ ویڈیو شیئرنگ ایپ انسٹاگرام پر چند تصاویر شیئر کیں جس میں اہلیہ کے لیے محبت بھرے جذبات شامل تھے۔
اپنے پیغام میں انہوں نے انوشکا سے محبت کا اظہار کرتے ہوئے لکھا کہ،’اگر میں آپ کو نہ پاتا تو میں مکمل طور پر کھو چکا ہوتا۔ سالگرہ مبارک ہو میری محبت۔ آپ ہماری دنیا کے لیے روشنی ہیں۔ ہم آپ سے بہت پیار کرتے ہیں‘۔
View this post on Instagram
یاد رہے کہ ویرات کوہلی اور انوشکا شرما نے دسمبر 2017 میں اٹلی میں شادی کی تھی، دونوں کے ہاں شادی کے 4 سال بعد جنوری 2021 میں پہلی بیٹی وامیکا کی پیدائش ہوئی تھی۔ ویرات کوہلی اور انوشکا شرما کے ہاں2024 میں بیٹے کی پیدائش ہوئی جس کا نام انہوں نے ’اکے‘ رکھا 15فروری