آزادکشمیر حکومت نے 10 مئی کو یوم یکجہتی فلسطین و کشمیر منانے کا اعلان کردیا۔
آزادکشمیر کے دارالحکومت مظفرآباد میں حماس کے ترجمان ڈاکٹر خالد قدومی نے علما و مشائخ کے ہمراہ پریس کانفرنس کی ہے۔
مزید پڑھیں
ڈاکٹر خالد قدومی نے کہاکہ فلسطینیوں کی حمایت پر کشمیری عوام کے مشکور ہیں، کشمیر فلسطینی عوام کے لیے گھر کی حیثیت رکھتا ہے۔
انہوں نے کہاکہ اسرائیل ایک شدت پسند ملک ہے، 7 اکتوبر 2023 سے اب تک 35 ہزار فلسطینی شہید جبکہ 20 ہزار لاپتا ہوچکے ہیں۔
انہوں نے کہاکہ کچھ بھی ہو اسرائیل حماس کا مقابلہ نہیں کرسکتا، تاہم اس وقت غزہ میں انسانی بحران ہے، اسرائیل عالمی اداروں کو بھی کوئی اہمیت نہیں دے رہا۔
ترجمان حماس نے کہاکہ تحریک مزاحمت کے نتیجے میں 6 فلسطینیوں کے جواب میں ایک اسرائیلی فوجی مارا جارہا ہے۔
انہوں نے کہاکہ عالمی برادری فلسطینیوں کی نسل کشی پر اسرائیل سے تجارتی تعلقات ختم کرے۔
انہوں نے کہاکہ رفح بارڈر کو کھولنے کے لیے اقدامات کیے جائیں، جبکہ مذاکرات کے لیے ضروری ہے کہ سیز فائر سمیت اسرائیلی فوج کا انخلا اور 20 ہزار لاپتا افراد رہا کیے جائیں۔
خالد قدومی نے کہاکہ حماس 75 فیصد مقامی تیار کردہ اسلحے سے لڑ رہی ہے، ترجمان امریکی دفتر خارجہ میتھیو ملر جھوٹا آدمی ہے۔
