بلوچستان کے ضلع ژوب کے علاقے سمبازا میں پاک افغان سرحد کے قریب سیکیورٹی فورسز نے کارروائی کرتے ہوئے کالعدم تنظیم سے تعلق رکھنے والے 5 دہشتگردوں کو ہلاک کردیا۔
سیکیورٹی حکام کے مطابق کارروائی کے دوران ایک دہشتگرد کو زخمی حالت میں گرفتار بھی کیا گیا ہے۔
مزید پڑھیں
حکام نے بتایا کہ مارے گئے دہشتگردوں کے قبضے سے بھاری مقدار میں اسلحہ و گولہ بارود برآمد ہوا ہے۔
واضح رہے کہ دہشتگردوں نے بلوچستان کو اپنا ہدف بنایا ہوا ہے تاہم سیکیورٹی فورسز کی جانب سے بھرپور مقابلہ کیا جارہا ہے۔
حال ہی میں بلوچستان کے ضلع نوشکی میں دہشتگردوں نے پنجاب سے تعلق رکھنے والے 9 مزدوروں کو قتل کردیا تھا۔
