وزیراعظم شہباز شریف اپنے چار روزہ سرکاری دورۂ چین کے پہلے مرحلے میں چینی شہر ہانگژو پہنچ گئے، جہاں ان کا استقبال چینی اور پاکستانی حکام نے کیا۔ دورے کے دوران سی پیک فیز ٹو، تجارتی تعاون اور مختلف مفاہمتی یادداشتوں پر پیشرفت متوقع ہے۔
Prime Minister Muhammad Shehbaz Sharif arrives in Hangzhou for his 4 day official visit to China. Vice Governor Zhejiang Province Xu Wenguang received the Prime Minister at Xiaoshan Hangzhou International Airport upon his arrival. 23 May 2026. pic.twitter.com/Faa5aQq3D9
— Government of Pakistan (@GovtofPakistan) May 23, 2026
وزیراعظم آفس کے مطابق ہانگژو کے شیاؤ شین ایئرپورٹ پر صوبہ ژے جیانگ کے نائب گورنر شو وینگوانگ، پاکستان میں چین کے سفیر جیانگ زائیڈونگ اور چین میں پاکستان کے سفیر خلیل ہاشمی نے وزیراعظم کا استقبال کیا۔
یہ بھی پڑھیں:پاک چین دوستی کا جشن، پاکستانی قیادت کا سی پیک اور اسٹریٹجک شراکت داری کو مزید وسعت دینے پر زور
وزیراعظم کے ہمراہ نائب وزیراعظم و وزیر خارجہ اسحاق ڈار، وزیر منصوبہ بندی احسن اقبال، وزیر اطلاعات و نشریات عطا اللہ تارڑ، وزیر آئی ٹی شزا فاطمہ خواجہ اور معاون خصوصی طارق فاطمی بھی موجود ہیں۔
دورے کے دوران وزیراعظم کی ژے جیانگ صوبے کے پارٹی سیکریٹری وانگ ہاؤ سے ملاقات ہوگی، جبکہ وہ سی پیک فیز ٹو کے تحت پاکستانی اور چینی کمپنیوں کے درمیان تعاون کے فروغ کے لیے منعقدہ بزنس فورم میں بھی شرکت کریں گے۔
یہ بھی پڑھیں:پاک چین دوستی سمندروں سے گہری، ہمالیہ سے بلند اور اسٹیل سے زیادہ مضبوط ہے، مریم نواز
وزیراعظم مختلف معاہدوں اور مفاہمتی یادداشتوں کے تبادلے کی تقریب میں شریک ہوں گے، جبکہ معروف چینی کمپنیوں کے سربراہان سے ملاقاتیں بھی کریں گے۔
وزیراعظم شہباز شریف چینی ای کامرس کمپنی علی بابا کے ہیڈکوارٹر کا دورہ بھی کریں گے، جہاں تعاون سے متعلق مفاہمتی یادداشتوں پر دستخط کیے جائیں گے۔
