بالی ووڈ کی معروف اداکارہ پرینیتی چوپڑا کی طلاق کی پیشگوئیاں ہونے لگیں۔ بھارتی فلمی ناقد کمال راشد خان المعروف کے آر کے نے سماجی رابطوں کی سائیٹ ایکس پر پیشگوئی کی ہے کہ پرینیتی اور راگھو چڈھا کی طلاق ہوجائے گی کیونکہ اب راگھو کے پاس برطانیہ میں سیاسی پناہ کی درخواست دینے کے علاوہ کوئی دوسرا راستہ نہیں ہے۔
کمال راشد خان کا مزید کہنا تھا کہ اگر پرینیتی چوپڑا اپنے شوہر راگھو کے ساتھ رہنا چاہتی ہیں تو اسے بھی سیاسی پناہ کی درخواست دینا ہوگی اور سیاسی پناہ کے اپلائی کرنے کی شرط یہ ہوتی ہے کہ وہ دوبارہ کبھی بھارت نہیں آسکیں گے اور ایسی صورتحال میں پرینیتی چوپڑا سیاسی پناہ کبھی قبول نہیں کریں گی۔
Prediction 100:- @ParineetiChopra will divorce @raghav_chadha! Now Raghav doesn’t have any other option except applying for asylum in UK. If Pari wants to stay with him, then she also has to apply for asylum. Means she will never be able to come back to India. So She won’t accept
— KRK (@kamaalrkhan) May 6, 2024
یاد رہے کے پرینیتی چوپڑا نے 24 ستمبر 2023 میں سیاسی جماعت عام آدمی پارٹی کے رہنما راگھو چڈھا کے ساتھ شادی کی تھی۔
واضح رہے کہ کمال راشد خان کوئی بھی پیشگوئی کرنے سے قبل اس کا نمبر بھی ساتھ لکھ دیتے ہیں اور اب انہوں نے اپنی پیشگوئیوں کی سیریز کی سینچری مکمل کرلی ہے۔
کمال آر خان اکثر بالی ووڈ اور مشہور شخصیات پر تنقید کی وجہ سے سرخیوں میں رہتے ہیں۔ وہ بھوجپوری اور ہندی فلموں میں نظر آنے اور پروڈیوس کرنے کے لیے جانے جاتے ہیں۔ انہوں نے بگ باس سیزن 3 میں بھی کام کیا ہے۔
