پانچویں پاک چین وزرائے خارجہ اسٹریٹجک ڈائیلاگ میں شرکت کے لیے نائب وزیراعظم و وزیر خارجہ اسحاق ڈار 13 سے 16 مئی تک بیجنگ کا دورہ کریں گے۔ چینی وزیر خارجہ اور جنرل آفس کے ڈائریکٹر جنرل کے ساتھ پاک چین وزرائے خارجہ اسٹریٹجک ڈائیلاگ کی شریک صدارت کریں گے۔
ترجمان دفتر خارجہ کے مطابق دورے کا مقصد سی پیک سمیت اقتصادی اور تجارتی تعاون کو بڑھانا اور علاقائی امن اور ترقی کے لیے مشترکہ عزم کو تقویت دینا ہے۔ فریقین اقتصادی اور تجارتی تعاون سمیت پاک چین دو طرفہ تعلقات کا جامع جائزہ لیں گے۔
مزید پڑھیں
ترجمان کے مطابق سی پیک کی اپ گریڈیشن اور مستقبل کی کنیکٹیویٹی پر بات چیت ہوگی، دونوں رہنما علاقائی، جغرافیائی، سیاسی منظر نامے اور کثیرالجہتی فورم پر دوطرفہ تعاون پر تبادلہ خیال کریں گے۔ اسٹریٹیجک ڈائیلاگ کے موقع پر وزیر خارجہ اسحاق ڈار کی چینی رہنماؤں، سینئر وزراء اور کارپوریٹ کے ایگزیکٹوز سے بھی ملاقات متوقع ہے۔
ترجمان دفتر خارجہ کے مطابق نائب وزیراعظم کا دورہ پاکستان اور چین کے درمیان اعلیٰ سطح کے باقاعدہ تبادلوں کا حصہ ہے، دورہ آل ویدر اسٹریٹجک کو آپریٹو پارٹنرشپ کو مزید گہرا کرنے کے لیے دونوں ممالک کی اہمیت کی عکاسی کرتا ہے۔
