پرتگال کے اسٹار فٹبالر کرسٹیانو رونالڈو نے اپنی گرل فرینڈ جارجینا روڈریگز سے علیحدگی کی صورت دولت بچانے کے لیے قانونی قدم اٹھالیا۔
میڈیا رپورٹس کے مطابق پرتگالی ٹی وی شو ’ٹی وی گویا‘ نے انکشاف کیا ہے کہ النصر کے اسٹار فٹبالر کرسٹیانو رونالڈو نے مبیّنہ طور پر اپنی پارٹنر جارجینا روڈریگز سے علحیدگی کی صورت میں دولت کو بچانے کے لیے ایک معاہدہ کر رکھا ہے۔
رپورٹ میں کہا گیا ہے کہ کرسٹیانو رونالڈو اور جارجینا روڈریگز نے ایک معاہدہ کر رکھا ہے جو علحیدگی کی صورت میں اثاثوں کو تقسیم کرے گا، اس معاہدے سے رونالڈو اپنی پارٹنر سے دولت کا بڑا حصہ بچاسکیں گے۔
معاہدے کے تحت جارجینا روڈریگز بچوں کا مستقبل محفوظ رکھنے کے لیے ماہانہ رونالڈو سے 1 لاکھ یورو (قریباً 3 کروڑ سے زائد پاکستانی روپے) لیتی ہیں۔ علیحدگی کی صورت میں یہ رقم مزید بڑھ جائے گی جبکہ لا فنکا ہاؤس بھی ان کے پاس چلا جائے گا جسے روڈریگز نیٹ فلکس کے ریئلٹی شو میں دکھایا گیا تھا۔
واضح رہے کہ جارجینا روڈریگز سال 2016 سے رونالڈو کی گرل فرینڈ ہیں اور دونوں نے تاحال شادی نہیں کی اور دونوں 5 بچوں کے شریک والدین بنے، جن میں رونالڈو جونیئر، ایوا ماریا، میٹیو رونالڈو، الانا مارٹینا، اور بیلا ایسمیرالڈا شامل ہیں۔
یاد رہے کہ پرتگال سے تعلق رکھنے والے فٹبالر کرسٹیانو رونالڈو 2024 کے سب سے زیادہ کمانے والے ایتھلیٹ قرار دیے گئے ہیں۔ کرسٹیانو رونالڈو نے 12 ماہ کے دوران 26 کروڑ ڈالرز کما کر دیگر تمام کھلاڑیوں کو پیچھے چھوڑ دیا۔
