وزیراعظم شہبازشریف کا کہنا ہے کہ پاکستان امن و انصاف کے حصول کے لیے پرعزم اور ایسے مستقبل کی تعمیر کے لیے اپنے عزم کا اعادہ کرتا جہاں امن ہو اور انسانیت پروان چڑھے۔
اقوام متحدہ کے تحت قیام امن کے لیے خدمات انجام دینے والے امن دستوں کےعالمی دن کے موقع پر سماجی رابطے کی ویب سائٹ ایکس پر اپنے بیان میں وزیراعظم نے عالمی برادری کے ساتھ مل کر اقوام متحدہ کے امن دستوں میں خدما ت سرانجام دینے والوں کو خراج تحسین پیش کیا ہے۔
Today Pakistan 🇵🇰 joins the international community in honoring UN peacekeepers. UN missions have been critical in maintaining peace and protecting civilians in conflict zones.
Special gratitude to Pakistani peacekeepers who have made significant contributions. 230k military…
— Shehbaz Sharif (@CMShehbaz) May 29, 2024
وزیر اعظم شہباز شریف نے اقوام متحدہ کے امن دستوں میں پاکستان کی نمائندگی کرنے والوں سے اظہارِ تشکر کرتے ہوئے کہا کہ انہوں نے دنیا میں امن برقرار رکھنے کے لیے اہم کردارادا کیا۔
’ہماری بہادر خواتین سمیت 2 لاکھ 30 ہزار فوجی اہلکاروں نے اقوام متحدہ کے امن مشنز میں خدمات سرانجام دیتے ہوئے 64 سالوں میں قوم کا سر فخر سے بلند کیا ہے۔‘
وزیر اعظم شہباز شریف کے مطابق ان پاکستانی امن دستوں میں شامل وہ 181 شہدا بھی ہیں جنہوں نے عالمی امن کے لیے اپنی جانوں کا نذرانہ پیش کیا۔ ’ہم انہیں بھی خراج عقیدت پیش کرتے ہیں، ان کی بے لوث جرات اور قربانی ہمیشہ ہمارے دلوں پہ نقش رہے گی۔‘
