قومی ادارہ صحت کے مطابق ملک بھر میں 24 گھنٹوں کے دوران کورونا وائرس کے 150 کیس رپورٹ ہوئے جن میں سے 22 مریضوں کی حالت تشویشناک ہے جبکہ ایک شخص جاں بحق ہو گیا۔
این آئی ایچ کی جانب سے جاری کردہ اعدادوشمار کے مطابق ملک بھر میں 24 گھنٹوں کے دوران کورونا وائرس کے 4 ہزار 194 ٹیسٹ کیے گئے جن میں سے 150 افراد کے ٹیسٹ مثبت آئے، اس طرح مثبت کیسز کی شرح 3.58 فیصد رہی۔ کورونا وائرس سے ایک مریض جاں بحق ہوا جبکہ 22 کی حالت تشویشناک ہے۔
COVID-19 Statistics 24 March 2023
Total Tests in Last 24 Hours: 4,194
Positive Cases: 150
Positivity %: 3.58%
Deaths: 01
Patients on Critical Care: 22
(shared by NCOC-NIH)— NIH Pakistan (@NIH_Pakistan) March 23, 2023
ملک کے مختلف شہروں میں گزشتہ 24 گھنٹوں کے دوران کئے گئے کورونا ٹیسٹ اور مثبت کیسز کے حوالے سے لاہور میں 452 میں سے 31 افراد کے ٹیسٹ مثبت آئے اور وہاں پر مثبت کیسز کی شرح 6.86 فیصد رہی۔
اسلام آباد میں 270 میں سے 11 افراد کے ٹیسٹ مثبت آئے اور شرح 4.07 فیصد رہی۔ ملتان میں 105 افراد میں سے 6 ٹیسٹ مثبت آئے اور وہاں پر شرح 5.71 فیصد رہی جب کہ بہاولپور میں 102 افراد میں سے 2 کے ٹیسٹ مثبت آئے اور ہاں پر مثبت کیسز کی شرح 1.96 فیصد رہی۔
