پاکستان کی تنہائی کی باتیں کرنے والے احمقوں کی جنت میں رہتے ہیں، نائب وزیراعظم اسحاق ڈار

نائب وزیراعظم اسحاق ڈار نے کہا ہے کہ پاکستان کی عالمی دنیا میں تنہائی کی باتیں کرنے والے احمقوں کی جنت میں رہتے ہیں، پاکستان کے تمام ممالک کے ساتھ دوستانہ تعلقات ہیں، وزیراعظم شہباز شریف کی سربراہی میں پاکستان معاشی ترقی کے اہداف ضرور حاصل کرے گا۔

ایچ بی ایس میڈیکل اینڈ ڈینٹل کالج اسلام آباد کی سالانہ کونووکیشن تقریب سے خطاب کرتے ہوئے وزیر خارجہ اسحاق ڈار نے کہا کہ نائب وزیراعظم و وزیر خارجہ اسحاق ڈار نے کہا کہ حکومت صحت کے شعبے سے متعلق اقدامات کررہی ہے، تعلیم کے شعبے میں بھی وزیراعظم شہباز شریف کے اقدامات قابل تحسین ہیں۔

اسحاق ڈار نے کہا کہ ڈاکٹرز کا مریض کے ساتھ دوستانہ رویہ بہت ضروری ہے، ایک انسان کو بچانا تمام انسانیت کو بچانے کے مترادف ہے، ینگ ڈاکٹرز معاشرے میں کلیدی کردار ادا کریں۔

انہوں نے کہا کہ ڈاکٹرز کی ذمہ داری ہے کہ وہ پروفیشنل انداز میں کام کریں، ڈاکٹرز میڈیکل کے شعبے میں جدید رجحانات کو اپنا کر خود کو باصلاحیت بنائیں۔

ان کا کہنا تھا کہ کہ پاکستان معاشی طور پر ترقی کررہا ہے، پاکستان کی تنہائی کی باتیں کرنے والے احمقوں کی جنت میں رہتے ہیں، پاکستان نے کئی ممالک کے ساتھ معاشی ترقی کے معاہدے کیے ہیں۔

’میں 4 بار وزیرخزانہ رہا ہوں، 7 مرتبہ رکن پارلیمنٹ رہا، میرا ایمان ہے کہ پاکستان ضرور ترقی کرے گا، وزیراعظم شہباز شریف کی سربراہی میں پاکستان معاشی ترقی کے اہداف ضرور حاصل کرے گا۔‘

اس موقع پر نائب وزیراعظم اسحاق ڈار نے ایچ بی ایس میڈیکل اینڈ ڈینٹل کالج اسلام آباد کے نئے گریجوایٹس طلبا کو مبارکباد بھی دی۔