فرانس اور پیرس سینٹ جرمین کے اسٹار فٹ بالر کلیان امباپے اسپینش فٹبال کلب ریال میڈرڈ کا حصہ بن گئے۔
مزید پڑھیں
غیرملکی میڈیا رپورٹس کے مطابق، ریال میڈرڈ نے گزشتہ روز فری ٹرانسفر بنیاد پر امباپے کی شمولیت کا اعلان کیا۔
اسپینش چیمپیئنز نے ایک بیان میں بتایا کہ ریال میڈرڈ اور امباپے کے درمیان معاہدہ طے پایا تھا جس کے مطابق وہ اگلے 5 سیزنز ریال میڈرڈ کے لیے کھیلیں گے۔
کہا جارہا ہے کہ معاہدے کے تحت امباپے کو 5 سال تک سالانہ 15 ملین یورو معاوضہ کی ادائیگی کی جائے گی۔ امباپے اور ریال میڈرڈ کے درمیان گزشتہ فروری سے اس معاہدے کے حوالے سے بات چیت جاری تھی۔
ریال میڈرڈ میں شمولیت کے اعلان کے بعد امباپے نے ’ایکس‘ پر ایک پوسٹ میں کہا، ’ایک خواب تھا جو پورا ہوا، اپنے پسندیدہ کلب ریال میڈرڈ کو جوائن کرکے بہت خوشی اور فخر محسوس کررہا ہوں، کوئی نہیں سمجھ سکتا کہ میں اس وقت کتنا خوش ہوں، میڈرڈ والو! میں تم سے ملنے کا منتظر ہوں، آپ سب کی ناقابل یقین حمایت کا شکریہ۔‘
Un sueño hecho realidad.
Muy feliz y orgulloso de formar parte del club de mis sueños @realmadrid Es imposible explicar lo feliz y emocionado que me siento en este momento. Estoy impaciente por veros, Madridistas, y gracias por vuestro increíble apoyo.
¡Hala Madrid! 🤍🤍🤍— Kylian Mbappé (@KMbappe) June 3, 2024
خیال رہے کہ 25 سالہ امباپے نے پیرس سینٹ جرمین میں 7 سال کھیلنے کے بعد اسے چھوڑنے کا فیصلہ کیا ہے۔ انہوں نے گزشتہ ماہ اعلان کیا تھا کہ وہ رواں سیزن کے اختتام پر پیرس سینٹ جرمین کو چھوڑ دیں گے۔ ورلڈ کپ ونر کھلاڑی امباپے نے پی ایس جی کی طرف سے ریکار ڈ 256 گول اسکور کر رکھے ہیں۔
