ٹی20 ورلڈ کپ میں امریکا سے شکست کے بعد شائقین کرکٹ کی طرف سے سخت ردعمل دیا جا رہا ہے۔ ذرائع کے مطابق نیویارک میں کلب لیول امریکی کرکٹ ٹیم کی جانب سے پاکستانی ٹیم کے اعزاز میں ہونے والا گرینڈ ڈنر بھی منسوخ کردیا گیا ہے۔
اسپورٹس جرنلسٹ حسنین لیاقت نے لکھا کہ پاکستانی سپر اسٹارز کو بڑا دھچکا لگا ہے کیونکہ فینز کے غصے اور کرسیوں کے خالی رہنے کی وجہ سے آج کا ڈنر منسوخ کردیا گیا، انہوں نے پاکستانی کرکٹ ٹیم کو تنیقد کا نشانہ بناتے ہوئے لکھا کہ ڈنر تو ایسے رکھا ہوا تھا جیسے آئرلینڈ اور انگلینڈ کو کلین سویپ کر آئے ہیں۔
فینز کے غصے اور کرسیوں کے خالی رہنے کی وجہ آج کا ڈنر منسوخ کردیا گیا.
ڈنر تو ایسے رکھا ہوا تھا جیسے آئرلینڈ اور انگلینڈ کو کلین سویپ مار کر آئے ہیں شہزادے.
سپرسٹارز کو بڑا دھچکا pic.twitter.com/g2BHy5FMit— Hasnain Liaquat (@iHasnainLiaquat) June 7, 2024
صحافی ارفع فیروز نے لکھا کہ پاکستان کرکٹ ٹیم کو آج نیو یارک میں ایک بڑے عشائیے میں شرکت کرنا تھی لیکن پروگرام تو وڑ گیا۔
Pakistan Cricket Team was scheduled to attend a massive dinner in NewYork today but Program Toh Warrh Gaya! #T20WorldCup pic.twitter.com/q2tJeMi2XG
— Arfa Feroz Zake (@ArfaSays_) June 7, 2024
عامر سعید عباسی نے لکھا کہ امریکا کے ہاتھوں عبرت ناک شکست کے بعد پاکستان کرکٹ ٹیم نے فینز کے ساتھ آج کا ڈنر منسوخ کردیا گیا۔
🚨🚨 امریکہ کے ہاتھوں عبرت ناک شکست کے بعد پاکستان کرکٹ ٹیم نے فینز کے ساتھ آج کا ڈنر منسوخ کردیا۔#PakistanCricketTeam #PAKvUSA #T20WorldCup pic.twitter.com/UAdK9D0Gdn
— Aamir Saeed Abbasi (@AmirSaeedAbbasi) June 7, 2024
واضح رہے کہ ڈیلس میں پاکستان ٹیم کو پہلے میچ میں امریکا کے ہاتھوں شکست ہوئی تھی۔ امریکا نے پاکستان کو سپر اوور میں 5 رنز سے شکست دی تھی قومی ٹیم 19 رنز کے تعاقب میں ایک وکٹ کے نقصان پر 13 رنز ہی بنا سکی۔
یاد رہے کہ امریکا میں ٹی 20 ورلڈ کپ سے قبل پاکستانی کرکٹ کے مداحوں کو کھلاڑیوں سے ملاقات کے لیے ایک ہوٹل میں ’نجی ڈنر‘ کا اہتمام کیا گیا تھا لیکن ہوٹل پہنچنے پر مداحوں سے انٹری فیس کی مد میں 25 ڈالر طلب کیے گئے جس کے بعد متعدد مداحوں نے واپسی کا راستہ اختیار کیا۔ مذکورہ واقعہ کے بعد پی سی بی کو کڑی تنقید کا نشانہ بنایا گیا تھا۔
