سابق بھارتی ٹینس اسٹار ثانیہ مرزا اہل خانہ کے ہمراپ پہلی بار سفر حج کے لیے روانہ ہوئیں تو انسٹاگرام پر پیغام شیئر کرتے ہوئے لکھا کہ پیارے دوستو اور عزیزو مجھے حج کے مقدس سفر پر جانے کا ناقابل یقین موقع نصیب ہوا ہے۔ میں اس سفر پر جانے سے قبل آپ سے عاجزی کے ساتھ کسی بھی غلطی اور کوتاہیوں کے لیے معافی چاہتی ہوں۔
ان کا مزید کہنا تھا کہ خود کو نجات دلانے اور روحانی تجدید کی تلاش کے اس موقع کے لیے میرا دل شکر گزاری سے بھر گیا ہے۔ میری دعا ہے کہ اللہ میری دعائیں قبول فرمائے اور مجھے صراط مستقیم پر چلائے۔
مزید پڑھیں
ثانیہ مرزا کہتی ہیں میں بہت خوش قسمت ہوں اور بے حد مشکور ہوں کہ اللہ تعالی نے مجھے یہ موقع فراہم کیا۔ براہ کرم مجھے اپنے خاص دعاؤں میں یاد رکھیں، میں عاجزی و انکساری اور مضبوط ایمان کے ساتھ ایک بہتر انسان کے طور پر واپس آنے کی امید کرتی ہوں۔
View this post on Instagram
ثانیہ مرزا کی بہن انعم مرزا نے بھی انسٹاگرام پر سفر حج پر جانے کی اطلاع دی۔ انہوں نے لکھا کہ میں اپنی زندگی کے سب سے اہم سفر، حج کا سفر شروع کر رہی ہوں۔ یہ سفر صرف جسمانی سفر نہیں بلکہ گہرا روحانی تجربہ ہے جس کے لیے میں دل اور دماغ دونوں سے تیاری کر رہی ہوں۔ یہ سوچنے، توبہ کرنے اور ایمان کی تجدید کا وقت ہے۔
انہوں نے مزید لکھا کہ آپ کی حمایت اور دعائیں میرے لیے کافی معنی رکھتی ہیں۔ میں آپ کی محبت اور نیک تمناؤں کو اپنے ساتھ رکھنا چاہتی ہوں کیونکہ میں معافی، امن اور اللہ سے قریبی کا تعلق چاہتی ہوں۔
View this post on Instagram
ان کا کہنا تھا کہ میں عاجزی کے ساتھ آپ سبھی سے معافی مانگتی ہوں، جس کسی کو میں نے جان بوجھ کر یا غیر ارادی طور پر تکلیف دی ہو۔ یہ میری مخلصانہ امید ہے کہ آپ مجھے معاف کر دیں گے۔ مجھے امید ہے کہ میں زیادہ ہمدرد اور زیادہ عاجزی کے ساتھ واپس آؤں گی۔ براہِ کرم اس مقدس وقت میں مجھے اپنی دعاؤں میں یاد رکھیں۔ اللہ ہم سب کو امن، خوشی اور تکمیل نصیب فرمائے۔
