بالی ووڈ اداکارہ سوناکشی سنہا اور اُن کے دیرینہ دوست ظہیر اقبال کی شادی سے 10 دن قبل جوڑے کی شادی کا دعوت نامہ لیک ہوگیا۔ ذرائع کے مطابق دونوں 23 جون کو شادی کے بندھن میں بندھنے جا رہے ہیں۔
بھارتی میڈیا رپورٹس کے مطابق یہ دعوت نامہ ڈیجیٹل طور پر بنایا گیا ہے جس میں آڈیو ریکارڈنگ کی گئی ہے۔ سوناکشی سنہا اور ظہیر اقبال نے آڈیو پیغام میں اپنے دوستوں اور خاندان والوں کو شادی میں شرکت کی دعوت دیتے ہوئے کہا کہ وہ شادی میں شرکت کرکے اس خاص دن کو مزید خاص بنائیں۔
سوناکشی سنہا اور ظہیر اقبال نے دعوت نامے میں مہمانوں سے درخواست کی کہ وہ شادی کی تقریب میں سُرخ لباس پہننے سے گریز کریں۔
واضح رہے کہ سوناکشی سنہا کی شادی کی خبروں کے بعد اداکارہ کے والد شترو گھن سنہا نے بیٹی کی شادی سے لاعلمی کا اظہار کرتے ہوئے کہا تھا کہ سوناکشی نے مجھے شادی سے متعلق کچھ نہیں بتایا جو کچھ پتا چلا میڈیا سے معلوم ہوا ہے۔
