وفاقی دارالحکومت اسلام آباد میں مارگلہ کی سرسبز پہاڑیوں میں ہر دوسرے دن آگ بھڑک اٹھتی ہے جو جنگلی حیات کو نقصان پہنچانے کا سبب بنتی ہے اور کئی ایکڑ پر محیط جنگل راکھ کا ڈھیر بن جاتے ہیں۔ چند دن قبل مارگلہ کے جنگلوں میں 5 دن تک لگی رہنے والی آگ نے ہزاروں درختوں کو راکھ کر دیا جس کے بعد سوشل میڈیا پر صارفین کی جانب سے اس کی مختلف ویڈیوز شیئر کی جا رہی ہیں۔
اسلام آبادیز نامی ایکس اکاؤنٹ کی جانب سے مارگلہ کے پہاڑوں کی ایک ویڈیو شیئر کی گئی جس میں دیکھا جا سکتا ہے کہ کئی ایکڑ پر محیط جنگل چٹیل میدان بن چکا ہے اور اس حصے سے درختوں کا صفایا ہو چکا ہے۔ صارف نے ویڈیو پوسٹ کرتے ہوئے لکھا کہ پہاڑیوں پر آتشزدگی کے بعد خوبصورت مارگلہ ہلز کا تکلیف دہ منظر۔
A painful view of the beautiful #MargallaHills after recent 🔥 incidents. 💔 #Islamabad pic.twitter.com/Y8Wn9TXlky
— Islamabadies (@Islamabadies) June 13, 2024
ایک صارف نے ویڈیو پر تبصرہ کرتے ہوئے لکھا کہ مارگلہ کے پہاڑوں سے اب جنگل ختم ہو چکا ہے۔
it's gone… the forest is gone… https://t.co/I4I84cf0cv
— Faizan Khattak (@faizan__ukk) June 13, 2024
ایک ایکس صارف نے الزام عائد کیا کہ یہ جگہ گالف کورٹ کی ایکسٹینشن کے لیے جگہ خالی کی گئی ہے۔
یہ گالف کورٹ کی ایکسٹینشن کے لیے جگہ خالی کی گئی ہے
— Naiem (@1277N1) June 13, 2024
علی نامی ایکس صارف لکھتے ہیں کہ جلد ہی یہاں پر ڈی ایچ اے کا ایک اور فیز شروع کر دیا جائے گا۔
Will start another DHA phase soon..
— Ali (@SwatRanizai) June 14, 2024
واضح رہے کہ اسلام آباد میں مارگلہ ہلز پر حالیہ لگنے والی آگ کے شبے میں گرفتار 3 ملزمان سے تفتیش کی گئی اور تفتیش میں انکشاف ہوا کہ ملزمان شہد اکٹھا کرنے کی غرض سے مارگلہ ہلز جاتے اور مکھیوں کو بھگانے کے لیے آگ لگاتے تھے۔
