اڈیالہ جیل میں بانی پی ٹی آئی کے خلاف 190 ملین پاؤنڈ ریفرنس کی سماعت احتساب عدالت کے جج محمد علی وڑائچ نے کی۔
مزید پڑھیں
سماعت کے دوران نیب کے 2 گواہان پر جرح مکمل کی گئی اور 2 پر ابتدائی جرح کی گئی۔
سابق چیئرمین پی ٹی آئی اور بشریٰ بی بی کو جیل سے کمرہ عدالت پیش کیا گیا۔
بشریٰ بی بی کی جانب سے طبی معائنے کی درخواست عدالت میں دائر کی گئی جس پر عدالت نے سپرنٹینڈینٹ جیل کو ملزمہ کا طبی معائنہ کرانے کا حکم دیا۔
نیب کی جانب سے پراسیکیوٹر چودھری نذر، عرفان بھولا اور سہیل عارف پیش ہوئے۔ بانی پی ٹی آئی اور بشریٰ بی بی کے وکلا عثمان گل، ظہیر عباس چودھری و دیگر پیش ہوئے۔
جج محمد علی وڑائچ نے کیس کی سماعت 2 جولائی تک ملتوی کردی۔
