ڈپٹی کمشنر راولپنڈی حسن وقار چیمہ نے پی ٹی آئی کے 4 رہنماؤں شہریار ریاض، کرنل ریٹائرڈ اجمل صابر راجا، چوہدری امیر افضل اور تیمور مسعود اکبر کی نظر بندی کے احکامات جاری کر دیے ہیں۔ پی ٹی آئی رہنماؤں کو گرفتار کرکے اڈیالہ جیل میں نظر بند کیا جائے گا۔
ڈپٹی کمشنر آفس سے جاری نوٹیفیکیشن کے مطابق 15 روزہ نظر بندی احکامات 3 ایم پی او کے تحت جاری کیے گئے ہیں۔ پی ٹی آئی رہنماؤں کی نظر بندی کی سفارش محکمہ پولیس نے کی تھی جبکہ محکمہ پولیس کی سفارش کی توثیق ڈسٹرکٹ انٹیلی جنس کمیٹی نے 20 جون کی میٹنگ میں کی تھی۔
واضح رہے کہ پی ٹی آئی ارکان پارلیمنٹ نے آج الیکشن کمیشن کے خلاف پیدل مارچ کرنا ہے۔ اس حوالے سے الیکشن کمیشن کی سیکیورٹی سخت کردی گئی ہے۔
