افغانستان کی نگراں حکومت کے ترجمان ذبیح اللہ مجاہد افغانستان پر اقوام متحدہ کے بلائے گئے مذاکرات کے تیسرے دور میں افغان وفد کی قیادت کریں گے۔
غیرملکی میڈیا کے مطابق یہ کانفرنس اتوار اور پیر کو قطر کے دارالحکومت دوحہ میں ہونے والی ہے۔
مزید پڑھیں
اس سلسلے میں افغانستان کی وزارت خارجہ کے ترجمان عبدالقہار بلخی نے گزشتہ روز ایکس (سابق ٹویٹر ) پر بتایا کہ منگل کو وزارت خارجہ کے اجلاس میں افغانستان پر پابندیوں، مالیاتی سرگرمیوں اور بینکنگ سسٹم پر پابندیوں اور دوحہ اجلاس کے بارے میں تفصیلات پر کئی معاملات زیر بحث آئے۔
انہوں نے کہا کہ یہ پہلا موقع ہے جب نگراں حکومت اقوام متحدہ کی زیر قیادت اجلاس میں شرکت کرے گی۔
افغان حکومت کو گزشتہ مئی میں ہونے والی پہلی میٹنگ میں مدعو نہیں کیا گیا تھا جبکہ اس نے فروری میں دوسرے اجلاس میں شرکت کی دعوت کو مسترد کر دیا تھا۔
