وزیراعلیٰ پنجاب مریم نواز کے دفتر میں مہمانوں کی خاطر تواضع اور افسران کی کھانے پر کروڑوں روپے خرچ ہوں گے۔
میڈیا رپورٹس کے مطابق وزیراعلیٰ پنجاب مریم نواز کے دفتر میں مہمانوں کی ریفریشمنٹ(خاطر مدارت) پر 7 کروڑ روپے خرچ کیے جائیں گے، مہمانوں کے ساتھ ساتھ افسران کے لیے بھی وزیراعلیٰ آفس میں 3 وقت کا کھانا میسر ہوگا۔
یہ بھی پڑھیں : حکومت کون سے اخراجات کم کرکے ایک سال میں 300 ارب روپے کی بچت کرے گی؟
وزیراعلیٰ پنجاب کے دفتر کی گروسری کے لیے 7 کروڑ روپے کا تخمینہ لگایا ہے، وزیراعلیٰ اور ان کے اسٹاف کے لیے پیٹرول کی مد میں 12 کروڑ روپے خرچ کیے جائیں گے۔
وزیراعلیٰ آفس کی اسٹیشنری پر 70 لاکھ، ٹرانسپورٹ کی مینٹینس پر 6 کروڑ 50 لاکھ روپے کا تخمینہ لگایا گیا ہے۔
یہ بھی پڑھیں : وزیراعلیٰ پنجاب کی رہائشگاہ پر سیکیورٹی اخراجات کی تفصیل فراہم کی جائے، تحریک انصاف
اس حوالے سے وزیراعلیٰ آفس نے مختلف کمپنیوں سے بڈز طلب کرلی ہیں، پہلے اور دوسرے کوارٹر کی مد میں پروکیورمنٹ پر ٹینڈر جاری کردیا گیا ہے۔
