وزیراعلیٰ پنجاب مریم نواز شریف کی مسائل حل کرنے کی یقین دہانی پر پاکستان فلور ملز ایسوسی ایشن نے صوبے میں ہڑتال نہ کرنے کا اعلان کیا ہے۔
یہ بھی پڑھیں : پاکستان فلور ملز ایسوسی ایشن کی ہڑتال مؤخر، سیمنٹ ڈیلرز نے ہڑتال کردی
وزیراعلیٰ پنجاب کی ہدایت پر ہونے والے مذاکرات میں فلورملز ایسوسی ایشن کی قیادت کو قائل کرلیا گیا کہ وہ ودہولڈنگ ٹیکس کے نفاذ کے خلاف پنجاب میں ہڑتال نہیں کرے گی۔
وزیراعلیٰ مریم نوازشریف نے پنجاب میں ہڑتال نہ کرنے کے فیصلے پر فلور ملز ایسوسی ایشن کے چیئرمین اور دیگر قائدین کا شکریہ ادا کیا ہے اور ان کے فیصلے کا خیر مقدم کیا ہے۔
یہ بھی پڑھیں : وزیر اعلیٰ پنجاب نے فلور ملز کیلیے گندم کا سرکاری کوٹہ ڈبل کر دیا
وزیراعلیٰ پنجاب نے ہڑتال کے نتیجے میں آٹے کی قلت اور عوام کے لیے روٹی مہنگی ہونے کے خدشات کا اظہار کیا تھا۔
وزیراعلیٰ مریم نواز شریف نے اس حوالے سے اپنے بیان میں کہا کہ آٹا اور روٹی مہنگی ہونے کا نقصان صرف غریب عوام کو ہوگا۔
انہوں نے کہا ’جائز تحفظات اور مسائل کے حل کے لیے بھرپور کردار ادا کروں گی، جائز مسائل کے حل کے لیے ہڑتال کرنے کی ضرورت نہیں۔‘
